ఏంటో.. కొందరు సెలబ్రిటీలు ఎవర్ని ఉద్దేశించి ట్వీట్లు చేస్తారో ఎందుకు చేస్తారో వారికే అర్థం కాదు. ఇక మనకెలా అర్థమవుతుంది. ఓ హీరోపై కోపంతోనో, లేక నిర్మాతలపై కోపంతోనో కొందరు ఇన్డైరెక్ట్గా వారిని ఉద్దేశిస్తూ కామెంట్లు చేస్తారు. కానీ వారు ఎవర్ని అంటున్నారన్న విషయాన్ని మాత్రం ఎప్పటికీ చెప్పరు. ఈలోగా నెటిజన్లు ఫలానా సెలబ్రిటీ ఇన్డైరెక్ట్గా తిడుతోందని వారినే అంటూ ఓ క్లారిటీకి వచ్చేసి సోషల్ మీడియాలో లేనిపోని డౌట్లు పుట్టిస్తుంటారు. తాజాగా ఈ ఘటన ప్రముఖ బాలీవుడ్ దర్శకుడు అనుభవ్ సిన్హాకు ఎదురైంది. ‘ఆర్టికల్ 15’తో మంచి విజయం అందుకున్న అనుభవ్ సిన్హా తాజాగా ట్విటర్లో ఓ ట్వీట్ చేశారు. ‘అతనో చెత్త నటుడు. కానీ అతని చెత్త యాక్టింగ్ మనకు నచ్చుతుంది’ అని ట్వీట్ చేశారు. అయితే ఆయన ఎవర్ని ఉద్దేశిస్తూ ఆ ట్వీట్ చేశారో ఎవ్వరికీ తెలీదు. ఈలోగా నెటిజన్లు ప్రధాని నరేంద్ర మోదీని ఈ విషయంలోకి లాగారు. ఇటీవల మోదీ.. చెన్నైలోని మహాబలిపురం బీచ్లో తాను స్వయంగా చెత్తను ఏరి ఎందరికో స్ఫూర్తిగా నిలిచిన సంగతి తెలిసిందే. అయితే అనుభవ్ సిన్హా ట్వీట్ ప్రధాని మోదీని ఉద్దేశిస్తూనే అంటూ కామెంట్లు పెట్టడం స్టార్ట్ చేశారు. మోదీ బీచ్ శుభ్రం చేయడం ఓ నాటకమని, అయినా ఆయన నాటకం అందరికీ నచ్చుతుందని అనుభవ్ అన్నట్లు నెటిజన్లు అభిప్రాయపడుతున్నారు. మోదీ బీచ్ వద్ద చెత్త ఏరుతున్న ఫొటోలను అనుభవ్ ట్వీట్కు ట్యాగ్ చేస్తూ.. ‘సర్ మీరు అంటోంది మోదీ గురించే కదా..’ అంటూ లేనిపోని డౌట్లు సృష్టిస్తున్నారు. అనుభవ్కు ప్రధాని మోదీ అంటే ఇష్టం లేదని అందుకే ఇన్డైరెక్ట్గా ఇలా కామెంట్ చేస్తున్నారని కామెంట్లు పెడుతున్నారు. ఇంతకీ అనుభవ్ ఎందుకు అలాంటి ట్వీట్ చేశారో మాత్రం తెలియరాలేదు. మోదీపై కామెంట్లు వస్తున్నాయి కాబట్టి ఆయన క్లారిటీ ఇస్తే ఈ విషయం ఇక్కడితో ఆగిపోతుంది. లేకపోతే మోదీపై కామెంట్లు చేశారని ఆయన సినిమాలను నిలిపివేసే ప్రమాదం లేకపోలేదు. ప్రస్తుతం అనుభవ్ ‘థప్పడ్’ అనే సినిమా షూటింగ్తో బిజీగా ఉన్నారు. ఇందులో తాప్సి, మానవ్ కౌల్, దియా మీర్జా కీలక పాత్రలు పోషిస్తున్నారు. 2020లో ఉమెన్స్ డే సందర్భంగా మార్చి 8న సినిమాను ప్రేక్షకుల ముందుకు తీసుకురానున్నారు.
from Telugu Movie News | Movie News in Telugu | Movie Gossips in Telugu https://ift.tt/2VM0b4E
No comments:
Post a Comment