‘ఆమె’ సినిమాతో తనలోని మరో కోణాన్ని చూపించి ప్రేక్షకులతో పాటు సెలబ్రిటీలను కూడా షాక్కు గురిచేసింది అమలా పాల్. సెట్లో క్లీవేజ్ షోలు, రొమాంటిక్ సీన్లలో నటించడానికే నటీమణులు కాస్త ఇబ్బంది పడుతుంటారు. అలాంటిది సినిమాలో అరగంట పాటు ఒంటి మీద నూలిపోగు కూడా లేకుండా నటించింది. ఇప్పటివరకు తెలుగు చిత్ర పరిశ్రమలో ఏ హీరోయిన్ ఇలాంటి సన్నివేశాలలో నటించలేదు. కానీ సినిమాలో కంటెంట్ ఉందన్న ధైర్యంతో అమలా పాల్ ఈ సాహసం చేసింది. టీజర్తో ఎన్నో ప్రశంసలు అందుకున్న ఈ సినిమాకు బాక్సాఫీస్ వద్ద మిశ్రమ ఫలితాలు వచ్చాయి. సినిమా కాన్సెప్ట్ ఎంతో ఇంట్రెస్టింగ్గా ఉందని అగ్ర కథానాయిక సమంతతో పాటు ప్రముఖ బాలీవుడ్ దర్శకుడు, నిర్మాత కరణ్ జోహార్ కూడా అమలపై ప్రశంసల జల్లులు కురిపించారు. ఆమె సినిమాలో బోల్డ్, బ్యూటిఫుల్, బ్యాడాస్గా ఉన్నారని కరణ్ అన్నారు. అందుకే హిందీలో మంచి విజయం అందుకున్న ‘లస్ట్ స్టోరీస్’ వెబ్ సిరీస్ను తెలుగులో రీమేక్ చేయాలని అనుకుంటున్నారు ప్రముఖ బాలీవుడ్ నిర్మాత రోన్నీ స్క్రూవాలా. తెలుగులో ఎవర్ని తీసుకుంటే బాగుంటుంది అని ఆలోచిస్తున్న సమయంలో ‘ఆమె’ అంటూ అమలా పాల్ అందరి దృష్టిని ఆకర్షించింది. దాంతో లస్ట్ స్టోరీస్ తెలుగు రీమేక్లో అమలను తీసుకోవాలని అనుకుంటున్నారు. అన్నీ అనుకున్నట్లు కుదిరితే ‘ఓ బేబీ’ దర్శకురాలు నందినీ రెడ్డి దీనిని డైరెక్ట్ చేస్తారు. నాలుగు భాగాలుగా తెరకెక్కనున్న ఈ వెబ్ సిరీస్కు సందీప్ రెడ్డి వంగా, తరుణ్ భాస్కర్, సంకల్ప్ రెడ్డి కూడా డైరెక్ట్ చేస్తారు. ఫస్ట్ సిరీస్లో ప్రముఖ నటుడు జగపతి బాబు కీలక పాత్రలో నటించనున్నట్లు టాలీవుడ్ వర్గాల సమాచారం. ఈ సిరీస్ ఇంకా స్క్రిప్టింగ్ స్టేజ్లోనే ఉందట. అంతా పూర్తయ్యాక త్వరలో షూటింగ్ మొదలుపెడతారని తెలుస్తోంది. ఇంతకీ ఈ లస్ట్ స్టోరీస్ కాన్సెప్ట్ ఏంటంటే.. లస్ట్ అంటే సెక్స్ కోసం తహతహలాడటం. అలాగని ఇది పెద్ద తప్పు పదం ఏమీ కాదు. ప్రపంచంలోని ప్రతి ఒక్కరూ కోరుకునేదే. అది అమ్మాయి కావచ్చు అబ్బాయి కావచ్చు. అయితే మహిళలకు కూడా సెక్సువల్ ప్లెజర్ అనేది ఉంటుంది అని, వారికీ విభిన్నమైన లవ్ స్టోరీస్ ఉంటాయని తెలియజేయడానికి ఈ కాన్సెప్ట్ను ఎంచుకున్నారు.
from Telugu Movie News | Movie News in Telugu | Movie Gossips in Telugu https://ift.tt/35fW7hg
No comments:
Post a Comment