నెపోటిజం (బంధుప్రీతి) కోలీవుడ్ ఇండస్ట్రీలో కూడా ఉందా? ప్రముఖ వివాదాస్పద తమిళ నటి మీరా మిథున్ చేసే ఆరోపణలు చూస్తుంటే అదే నిజం అనిపిస్తోంది. విలక్షణ నటుడు కమల్ హాసన్పై ఆరోపణలు చేస్తున్నారు మీరా. మీరా కథానాయికగా ‘అగ్ని సిరాగుగల్’ అనే సినిమాలో నటించాల్సి ఉంది. అయితే సినిమాలో ఆమెను తీసుకున్నట్లే తీసుకుని ఆ తర్వాత తొలగించేశారట. ఆమె ప్లేస్లో చిన్న కుమార్తె అక్షరా హాసన్ను ఎంపిక చేసుకున్నారట. ఈ మేరకు కమల్ హాసన్ అనుకున్నది సాధించారంటూ మీరా ట్విటర్ వేదికగా తన ఆవేదనను వ్యక్తం చేశారు. ‘కోలీవుడ్లో నెపోటిజం పీక్స్లో ఉందని నిజమైంది. సినిమా నుంచి నన్ను తప్పించి తన కూతురికి అవకాశం వచ్చేలా చేశారు కమల్ హాసన్. ఇలా చేసినందుకు దర్శకుడు నవీన్కు, అక్షరా హాసన్కు, నిర్మాత శివకు సిగ్గుగా అనిపించడంలేదా? వారికి డబుల్ స్టాండర్డ్స్ బుద్ధి ఉందని బాగా తెలుస్తోంది’ అన్నారు. మీరా చేస్తున్న ఆరోపణలపై దర్శకుడు నవీన్ స్పందించారు. ‘అగ్ని సిరాగుగల్ సినిమాలో మొదట షాలినీ పాండేను ఎంపిక చేసుకున్నాం. ఆ తర్వాత కొన్ని కారణాల వల్ల ఆమె స్థానంలో అక్షర హాసన్ను ఎంపిక చేసుకున్నాం. ఇప్పుడు ఈ సినిమాలో అక్షర హాసనే కథానాయిక. అసలు సినిమాలో మీరా మిథున్ను ఎంపిక చేసుకోలేదు. నా అనుమతి లేకుండా సినిమాలో తనను ఎంపిక చేసుకున్నామని మీడియా ముందుకు వచ్చి ఆరోపిస్తోంది. మొదట నేను ఆమె మాటలు పట్టించుకోకూడదని అనుకున్నాను. కానీ ఆమె చేస్తున్న రాద్దాంతం వల్ల స్పందించాల్సి వస్తోంది’ అని తెలిపారు. అయితే మీరాకు ఇలాంటి వివాదాలు కొత్తేంకాదు. గతంలో శివ కార్తికేయన్ కథానాయకుడిగా నటించిన ‘నమ్మ వీట్టు పిళ్లాయ్’ అనే సినిమాలో తన పాత్రకు సంబంధించిన సన్నివేశాలను తొలగించారని ఆరోపించారు. అంతేకాదు కమల్ హాసన్ హోస్ట్ చేస్తున్న ‘బిగ్ బాస్ 3’ షోలో కంటెస్టెంట్గా పాల్గొన్న తమిళ దర్శకుడు చరణ్ తనను ఎక్కడపడితే అక్కడ ముట్టుకున్నాడని ఆరోపించారు. ఇలా ఏదో ఒక వంకతో మీడియా ముందుకు వచ్చి పాపులర్ అయిపోవాలని మీరా ప్రయత్నిస్తోందని చాలా మంది ఆరోపించారు.
from Telugu Movie News | Movie News in Telugu | Movie Gossips in Telugu https://ift.tt/2VFSfBC
No comments:
Post a Comment