చాలా కాలం తర్వాత ‘118’ సినిమాతో మంచి విజయం అందుకున్నారు నందమూరి కళ్యాణ్ రామ్. ఇప్పుడు ‘ఎంత మంచి వాడవురా’ అనే సినిమాతో మళ్లీ ప్రేక్షకులను పలకరించబోతున్నారు. సతీష్ వేగేష్న దర్శకత్వం వహిస్తున్న ఈ సినిమా టీజర్ తాజాగా విడుదలైంది. ‘మా మనవడు శివ మంచోళ్లకే మంచివాడు. నా కొడుకు ఆచార్య చాలా మంచివాడు. మా అల్లుడు బాలు చాలా మంచోడు. నా తమ్ముడు సూర్య ఎంత మంచోడో. నా అన్నయ్య రిషి చాలా మంచోడు. నా హీరో బాలు చాలా మంచోడు’ ఇలా సినిమాలోని ఒక్కో క్యారెక్టర్ గురించి గొప్పగా చెప్తున్న డైలాగులతో టీజర్ మొదలైంది. మరో పక్క కళ్యాణ్ రామ్ రౌడీలను చితక్కొడుతూ ఉంటాడు. దాంతో వారు చెప్పే డైలాగులకు రామ్ చేసే పనులకు ఎలాంటి సంబంధం ఉండదు. ‘అందరూ మంచోడు అంటుంటే నువ్వు ఇలా కొడుతున్నావేంట్రా’ అని ఓ రౌడీ కల్యాణ్ రామ్ను ప్రశ్నించగా.. ‘రాముడు కూడా మంచోడే. రావణాసురుడిని చంపాలా’ అని చెప్పిన డైలాగ్ హైలైట్గా నిలిచింది. అయితే ఇందులో కళ్యాణ్ రామ్ పాత్ర పేరేంటి? అతను ఒక్కడా ఇద్దరా? అన్నది మాత్రం తెలియాలంటే సినిమా చూడాల్సిందే. పైగా కళ్యాణ్ రామ్ క్యారెక్టర్ పేరును ఒక్కొక్కరు ఒక్కోలా చెబుతున్నారు. టీజర్లోనే ప్రేక్షకుడు సినిమా ఊహించలేనంత ట్విస్ట్ ఇచ్చాడు దర్శకుడు సతీష్. అయితే మరోసారి సినిమా కాన్సెప్ట్ను బాగా ఆలోచించే చేయాలని కళ్యాణ్ రామ్ నిర్ణయించుకున్నాడా అన్న విషయం సినిమా చూస్తే కానీ తెలీదు. ఇందులో కళ్యాణ్ రామ్ లుక్ కాస్త కొత్తగా ఉంది. ఇదివరకటి సినిమాల్లో కంటే ఇందులో కాస్త హ్యాండ్సమ్గా కనిపిస్తున్నాడు. తనికెళ్ల భరణి కళ్యాణ్ తండ్రి పాత్రలో నటించారు. టీజర్ చివర్లో తనికెళ్ల భరణి స్కూటర్ నడుపుతుంటే కళ్యాణ్ రామ్ వెనక కూర్చుని ఉంటాడు. ‘మళ్లీ ఎప్పుడొస్తావ్ రా’ అని తనికెళ్ల అడిగిన ప్రశ్నకు ‘సంక్రాంతికి నాన్నా’ అని కళ్యాణ్ అని చెప్తూ సినిమాను సంక్రాంతికి ప్రేక్షకుల ముందుకు తీసుకురాబోతున్నామని చెప్పకనే చెప్పాడు. ఇదివరకే ‘ఎంఎల్ఏ’ (మంచి లక్షణాలు ఉన్న అబ్బాయి) అనే సినిమాలో నటించి బోల్తా పడ్డాడు కళ్యాణ్ రామ్. ఇప్పుడు మళ్లీ అవే మంచోడి లక్షణాలతో ఆడియన్స్ను పలకరించబోతున్నాడు. ఇందులో కథానాయికగా మెహ్రీన్ను ఎంపిక చేసుకున్నారు. ఇప్పటివరకు మెహ్రీన్ తనకంటూ కాస్త ఇంపార్టెన్స్ ఉన్న క్యారెక్టర్లో నటించింది లేదు. ‘f2’ లో ‘హనీ ఈజ్ ద బెస్ట్’ అనే మ్యానరిజంతో కాస్త అలరించింది తప్ప ఆ తర్వాత వచ్చిన సినిమాల్లోనూ కేవలం పాటలకు మాత్రమే పరిమితమైంది. కనీసం ఈ సినిమాలోనైనా ఆమె పాత్రకు ఏదన్నా కంటెంట్ ఉందో లేదో చూడాలి. లేకపోతే మున్ముందు మెహ్రీన్కు పాటల హీరోయిన్ అనే ముద్ర పడిపోతుంది. ఈ మంచోడు సంక్రాంతికి వచ్చి సందడి చేస్తానని అంటున్నాడు. మరి ఆ సందడి ఏలా ఉంటుందో మనమూ చూద్దాం.
from Telugu Movie News | Movie News in Telugu | Movie Gossips in Telugu https://ift.tt/2MsYHrs
No comments:
Post a Comment