కంగనా రనౌత్‌కు బ్రేకప్...అజ్ఞాత ప్రేమికుడు హ్యాండిచ్చాడా?

కాంట్ర‌వ‌ర్సీ క్వీన్ కంగ‌నా రనౌత్‌కు మ‌రోసారి బ్రేక్ అప్ తప్ప‌లేద‌నిపిస్తుంది. ఎందుకంటే.. ఇన్‌స్టాలో ఆమె చేసిన పోస్ట్ అలాంటి అనుమానాల‌కు తావిస్తుంది. ఇది వ‌ర‌కు ఆమె హృతిక్‌తో ప్రేమాయ‌ణం న‌డిపిందని బాలీవుడ్‌లో బ‌ల‌మైన వార్త‌లే వ‌చ్చాయి. కంగ‌నా, హృతిక్ మ‌ధ్య గొడ‌వ‌లు అయిన‌ప్పుడు కూడా హృతిక్ త‌నతో రిలేష‌న్ ఉన్నాడ‌ని కూడా చెప్పుకొచ్చింది. అదంతా పెద్ద గొడ‌వ‌. ఆ సంగ‌తి ప‌క్క‌న పెడితే.. అస‌లు కంగన‌కు మ‌రోసారి బ్రేకప్ కావ‌డం ఏంటి? అస‌లు కంగనా ర‌నౌత్ ఎప్పుడు ప్రేమ‌లో ప‌డింది. అస‌లు ఆ వ్య‌క్తి ఎవ‌రు? అనే ప్ర‌శ్న‌ల‌కు స‌మాధానం మాత్రం ఆమె చెప్పాల్సిందే. ఎందుకంటే.. ఆ అజ్ఞాత ప్రేమికుడిని ప‌రిచ‌యం చేయాల‌ని కూడా ఆమె అనుకుంది. రీసెంట్‌గా ఆ విష‌యాన్ని మీడియాలోనూ వెల్ల‌డించింది. త‌న‌కు త‌ల్లి కావాల‌ని ఉంద‌ని, ఐదేళ్ల‌లో త‌న‌ను ఇద్ద‌రు పిల్ల‌ల త‌ల్లిగా చూసే అవ‌కాశం ఉంద‌ని చెప్పింది. అంటే ఎవ‌రితోనైనా మీరు ప్రేమ‌లో ఉన్నారా? అని అప్పుడు మీడియా వ‌ర్గాలు ప్ర‌శ్నిస్తే.. త్వ‌ర‌లోనే మీకు అత‌న్ని ప‌రిచ‌యం చేస్తాన‌ని చెప్పింది. అబ్బో.. కాంట్రీవ‌ర్సీల‌కు కేరాఫ్ అయిన అమ్మ‌డు కంగ‌నా ర‌నౌత్‌ మ‌న‌సు దోచిన వాడెవ‌డో అని మీడియాలోనూ తెలియ‌ని ఓ ఆస‌క్తి నెల‌కొంది. అయితే, ఆ ఆసక్తికి ఇప్పుడు నీళ్లు వ‌దులుకోవాల్సిందే. ఎందుకంటే కంగ‌నా ర‌నౌత్ రీసెంట్ పోస్ట్ అలాంటి అర్థాన్ని సూచిస్తుంది. ‘నేను నీ కోస‌మే జీవించాను. కానీ నువ్వు మాత్రం అన్యాయంగా ప్ర‌వ‌ర్తించావు’ అని కంగ‌న పోస్ట్ చేసింది. దీన్ని చూసిన వాళ్లు కంగ‌నా ర‌నౌత్ ర‌హ‌స్య ప్రేమ‌కు బ్రేకులు ప‌డ్డాయ‌ని అనుకుంటున్నారు. మ‌రి కంగ‌నా ర‌నౌత్ పోస్టుకు అర్థం అదేనా? లేక మ‌రేదైనానా అని తెలుసుకోవాలంటే .. స్ట్ర‌యిట్ స‌మాధానం ఆమె చెప్పాల్సిందే. తెలుగులో 2009లో ప్ర‌భాస్ జోడిగా ఏక్ నిరంజ‌న్‌లో న‌టించిన కంగ‌నా ర‌నౌత్ ఇప్పుడు బాలీవుడ్ ప్రాజెక్ట్స్‌తోనే బిజీగా మారింది. కంగ‌నా ర‌నౌత్ న‌టిగా త‌న కెరీర్‌ను స్టార్ట్ చేసి ఇప్ప‌టికి ప‌దిహేనేళ్ల‌వుతుంది. ఈ ప‌దిహేనేళ్ల‌లో ఆమె ఎన్నో ఆటు పోట్ల‌ను ఎదుర్కొంది. క్వీన్, త‌ను వెడ్స్ మ‌ను, త‌ను వెడ్స్ మ‌ను రిట‌ర్న్స్ చిత్రాల‌తో బ్లాక్‌బ‌స్ట‌ర్స్‌ సాధించి స్టార్ హీరోయిన్‌గా ఎదిగింది. హీరోయ‌న్‌గా త‌న‌కంటూ ఓ మార్కెట్‌ను క్రియేట్ చేసుకుంది. మ‌ణిక‌ర్ణికతో డైరెక్ట‌ర్‌గానూ మారింది. నిర్మాత‌గానూ మారింది. ఇప్పుడు ధాక‌డ్‌, తేజ‌స్‌, టీకు వెడ్స్ షేర్ సినిమాల‌తో ప్రేక్ష‌కుల‌ను మెప్పించ‌డానికి కంగనా ర‌నౌత్ రెడీగా ఉంది.

from Telugu Movie News | Movie News in Telugu | Movie Gossips in Telugu https://ift.tt/3ro4jcO