తన రూటే సపరేటు అంటూ వాస్తవికతకు దగ్గరగా సినిమాలు తీసే అతికొద్ది మంది దర్శకుల్లో రామ్ గోపాల్ వర్మ ఒకరని చెప్పుకోవచ్చు. అలాగే నిత్యం సమాజంలో చోటుచేసుకునే పరిస్థితులపై ఆయన చేసే కామెంట్స్ ఎంతటి రచ్చ చేస్తాయో మనందరికీ తెలుసు. విషయం ఏదైనా తన అభిప్రాయాన్ని కుండబద్దలు కొట్టినట్లు బయటపెట్టే వర్మ.. తాజాగా తాలిబన్ల కబంద హస్తాల్లో చిక్కున్న పరిస్థితులపై రియాక్ట్ అయ్యారు. 20 ఏళ్లుగా జరుగుతున్న పోరాటాన్ని పది రోజుల్లోనే ముగించేశారు. అఫ్ఘానిస్తాన్‌లోని కీలక పట్టణాలన్నింటినీ క్రమంగా ఆక్రమించుకుంటూ వచ్చి రాజధాని కాబూల్‌ను సైతం స్వాధీనం చేసుకున్నారు. ఈ నగరం నుంచి బయటకు వెళ్లే దారులన్నీ ఉగ్రవాదుల ఆధీనంలోకి వెళ్లిపోయాయి. కాబూల్ విమానాశ్రమం ఒక్కటి మాత్రమే అమెరికా సైన్యం ఆధీనంలో ఉంది. దీంతో అక్కడి నుంచి ప్రాణాలను అరచేతిలో పెట్టుకుని ఇతర విదేశాలకు పారిపోయేందుకు అఫ్ఘానిస్తాన్ ప్రజలు సిద్ధమయ్యారు. దీంతో కాబూల్ వినామాశ్రయం జనసంద్రంగా మారింది. అక్కడ కనిపిస్తున్న భయానక దృశ్యాలు సోషల్ మీడియాలో వైరల్ అవుతున్నాయి. మరోవైపు ఆప్ఘనిస్తాన్‌ని తమ వశం చేసుకున్న తాలిబన్లు వీరవిహారం చేస్తున్నారు. గతంలో ఏ దేశంలోనూ చూడని దృశ్యాలు అక్కడ కనిపిస్తున్నాయి. అధ్యక్ష భవనంలోకి చొరబడి తాలీబన్స్ వ్యవహరిస్తున్న తీరు ఆశ్చర్యపరుస్తోంది. చేతిలో ఆయుధాలు పట్టుకొని అధ్యక్ష భవనంలో ఎంజాయ్ చేస్తూ కనిపించారు. అక్కడి భయానక దృశ్యాలతో పాటు ఈ వీడియోను షేర్ చేసిన వర్మ.. అధ్యక్ష భవనంలో తాలిబన్ల తీరు చూడండి.. వాళ్ళు ఎలాంటి జంతువులనేది అర్థమవుతోంది అంటూ షాకింగ్ కామెంట్స్ చేశారు. ఇక కాబూల్‌లోని ఓ ఎమ్యూజ్‌మెంట్ పార్కుకి వెళ్లిన తాలిబన్లు అక్కడ ఎలక్ట్రిక్ బంపర్ కార్లలో కూర్చొని చిన్న పిల్లలా రైడింగ్ చేస్తూ, ఆడుకుంటూ కేరింతలు కొడుతున్న వీడియో షేర్ చేస్తూ.. 'ఇది నిజం.. తాలీబన్స్ జస్ట్ కిడ్స్' అంటూ సింగిల్ లైన్ కామెంట్ వదిలారు వర్మ.
from Telugu Movie News | Movie News in Telugu | Movie Gossips in Telugu https://ift.tt/3ySLzTO
No comments:
Post a Comment