గత కొంతకాలంగా సినీ ఇండస్ట్రీని వరుస విషాదాలు వెంటాడుతున్నాయి. ఓ విషాదం తాలూకు జ్ఞాపకాల నుంచి బయటకు రాకముందే మరో విషాదం చోటుచేసుకోవడం చూస్తున్నాం. తాజాగా ప్రముఖ యాంకర్, నటుడు అనారోగ్యంతో కన్నుమూయడంతో కోలీవుడ్ వర్గాల్లో విషాద ఛాయలు అలుముకున్నాయి. ప్రస్తుతం ఆయన వయసు 48 సంవత్సరాలు. కాన్సర్ కారణంగా ఆయన తుది శ్వాస విడిచారు. గత కొన్నేళ్లుగా క్యాన్సర్‌తో పోరాడుతున్న ఆనంద కణ్ణన్.. వారం క్రితం హఠాత్తుగా ఆరోగ్యం తిరగబడడంతో చెన్నైలోని ఓ ఆస్పత్రిలో చేరారు. అక్కడ క్యాన్సర్ చికిత్స పొందుతూ ఆరోగ్యం విషమించడంతో నిన్న (ఆగస్టు 16) కన్నుమూశారు. ఆనంద ఇకలేరనే వార్త తెలిసి కోలీవుడ్ వర్గాలు సోషల్ మీడియా వేదికగా తీవ్ర దిగ్బ్రాంతి వ్యక్తం చేస్తున్నాయి. సింగపూర్‌-తమిళియన్‌ అయిన ఆనంద కణ్ణన్, సింగపూర్‌లో వసంతం టీవీ ద్వారా వీజేగా కెరీర్‌ ప్రారంభించి.. సన్‌ టీవీ సిరీస్‌ సింధ్‌బాద్‌లో లీడ్‌ రోల్‌ ద్వారా పిల్లలకు, యువతకు కనెక్ట్‌ అయ్యారు. 90వ దశకంలో పలు సినిమాలతో కోలీవుడ్ ఆడియన్స్‌ని అలరించారు. ఏకేటీ థియేటర్స్‌ను ఏర్పాటుచేసి వర్క్‌షాప్స్‌ నిర్వహిస్తూ రూరల్‌ కల్చర్‌ ద్వారా కొత్త నటీనటులను ప్రోత్సహించారు. దాదాపు 30 ఏళ్ల పాటు పాటు ఆయన సినీ రంగానికి సేవలందించారు.
from Telugu Movie News | Movie News in Telugu | Movie Gossips in Telugu https://ift.tt/3gbodS2
No comments:
Post a Comment