సెలబ్రిటీలంటేనే ఎప్పటికీ వారిపై ఓ కన్నేసి ఉంచుతుంటారు జనం. మరీ ముఖ్యంగా సినిమా వాళ్ళకు సంబంధించిన ప్రతి విషయం వైరల్ అవుతూ ఉంటుంది. అయితే కొన్ని సందర్భాల్లో సెలబ్రిటీస్ షేర్ చేసే కొన్ని ఫోటోలు ఊహించని విధంగా ట్రోల్స్‌ బారిన పడుతుండటం చూస్తున్నాం. తాజాగా స్టార్ హీరో విషయంలో అదే జరుగుతోంది. జాతీయ పతాకాన్ని అవమానపరిచాడంటూ రామ్ చరణ్‌పై నెటిజన్స్ ఓ రేంజ్‌లో అటాక్ చేస్తున్నారు. ఓ వైపు సినిమాలతో బిజీ బిజీగా ఉంటున్న రామ్ చరణ్, మరోవైపు యాడ్ షూట్స్ చేస్తూ వస్తున్నారు. హ్యాపీ మొబైల్స్‌కు మెగా పవర్ స్టార్ బ్రాండ్ అంబాసిడర్‌గా ఉంటూ ఆ మొబైల్స్‌కు సంబంధించిన ప్రచార బాధ్యతలు నిర్వహిస్తున్నారు. అయితే స్వాతంత్య్ర దినోత్సవాన్ని పురస్కరించుకొని హ్యాపీ మొబైల్స్‌ వారు కొన్ని పేపర్ యాడ్స్ ఇచ్చారు. ఇందులో రామ్ చరణ్ పట్టుకొని సాంప్రదాయ దుస్తుల్లో కనిపిస్తున్నప్పటీకీ.. ఆ జాతీయ జెండాలో అశోక చక్రం లేకపోవడం అందరి కంట పడింది. ఇంకేముంది ఆ మాత్రం చూసుకోకుండా ఎలా యాడ్ షూట్స్ చేస్తారంటూ రామ్ చరణ్‌ని తెగ ట్రోల్ చేస్తున్నారు నెటిజన్లు. 2002 జాతీయ జెండా చట్టం ప్రకారం ఇలా అశోక చక్రం లేకుండా జెండా ప్రదర్శించడం అనేది ఓ నేరం. దీంతో ఈ ఇష్యూ చర్చల్లో నిలిచింది. కొందరు రామ్ చరణ్ ఫ్యాన్స్ ఆయన్ను సపోర్ట్ చేస్తూ కామెంట్స్ చేస్తుండగా, దీనిపై సదరు యాడ్ ఇచ్చిన కంపెనీ వారు చిన్న వివరణ ఇస్తూ అడ్వర్టైజ్మెంట్లు ఇచ్చుకునేటప్పుడు జాతీయ జెండాను పోలి ఉండేలా త్రివర్ణ పతాకాన్ని మాత్రమే వాడాలని, అందుకే ఇలా చేశామని అంటున్నట్లు తెలిసింది. సో.. చూడాలి మరి ఈ ఇష్యూ ఎక్కడిదాకా పోతుందనేది!.
from Telugu Movie News | Movie News in Telugu | Movie Gossips in Telugu https://ift.tt/3sx3ey5
No comments:
Post a Comment