మాల్దీవుల్లో భర్తతో ఎంజాయ్ చేస్తోన్న హాట్ బ్యూటీ.. బర్త్‌డే బోయ్‌తో స్వీట్ మెమొరీస్

బాలీవుడ్ హాట్ బ్యూటీ బిపాసా బసు ప్రస్తుతం భర్త కరణ్ సింగ్ గ్రోవర్‌తో కలిసి మాల్దీవుల్లో విహరిస్తున్నారు. భర్త పుట్టినరోజు (ఫిబ్రవరి 23)ను మాల్దీవుల్లో సెలబ్రేట్ చేసిన బిపాసా బసు.. అక్కడ తీసుకున్న రొమాంటిక్ ఫొటోలను ఇన్‌స్టాగ్రామ్ ద్వారా అభిమానులతో పంచుకుంటున్నారు. ఈ ఫొటోల్లో బిపాసా బసు సూపర్ హాట్‌గా కనిపిస్తున్నారు. ఒక ఏడాదిలో తనకు ఎంతో ఇష్టమైన రెండో రోజు తన భర్త పుట్టినరోజు అని బిపాసా బసు పేర్కొన్నారు. బిపాసా బసు, కరణ్ సింగ్ తొలిసారి 2014లో ‘ఎలోన్’ సినిమాలో నటించారు. అప్పుడే వారు ప్రేమలో పడ్డారని అంటుంటారు. రెండేళ్ల పాటు సహజీవనం చేసిన బిపాస, కరణ్.. 2016 ఏప్రిల్ 30న పెళ్లి బంధంతో ఒక్కటయ్యారు. బాలీవుడ్ అతిరథ మహారథుల ఆధ్వర్యంలో బిపాస, కరణ్ వివాహం అంగరంగ వైభవంగా జరిగింది. సల్మాన్ ఖాన్, షారుఖ్ ఖాన్, డినో మోరియా, బచ్చన్ ఫ్యామిలీ, సంజయ్ దత్, సోనమ్ కపూర్, రణ్‌బీర్ కపూర్, ప్రీతి జింటా, సుష్మితా సేన్, బాబీ డియోల్, రితేష్ దేశ్‌ముఖ్ తదితరులు బిపాస, కరణ్ వెడ్డింగ్ రిసెప్షన్‌లో పాల్గొన్నారు. 2001లో వచ్చిన బాలీవుడ్ మూవీ ‘అజ్నబీ’తో వెండితెరకు పరిచయమైన బిపాసా బసు.. తొలి సినిమాతో ఫిల్మ్ ఫేర్ అవార్డ్ సొంతం చేసుకున్నారు. 2002లో మహేష్ బాబు ‘టక్కర దొంగ’లో నటించారు. తెలుగులో ఆమె ఏకైక సినిమా ఇది. ఆ తరవాత హిందీలో బాగా బిజీ అయిపోయారు బిపాస. తమిళ్‌లో విజయ్ సరసన ఒక సినిమాలో నటించారు. హిందీతో పాటు ఒక ఇంగ్లిష్, ఒక బెంగాలీ సినిమాలోనూ బిపాస నటించారు. బిపాస ఆఖరి సినిమా ‘ఎలోన్’.

from Telugu Movie News | Movie News in Telugu | Movie Gossips in Telugu https://ift.tt/2NqWx0p