‘పరుచూరి పలుకులు’ అంటూ సీనియర్ రచయిత పరుచూరి గోపాల కృష్ణ సినీ, రాజకీయ విశేషాలను ప్రేక్షకులతో పంచుకుంటున్నారు. తాజాగా ఆయన పవన్ కళ్యాణ్ ‘వకీల్ సాబ్’పై ఆసక్తికరమైన కామెంట్స్ చేశారు. ఆయన మాట్లాడుతూ.. వకీల్ సాబ్ సినిమా గురించి చెప్పాలంటే ముందు ఈ సినిమా మూలమైన పింక్ చిత్రం గురించి మాట్లాడుకోవాలి. భారతస్వాతంత్ర్య పోరాటం చేసిన మహానుభావుల లిస్ట్ తీస్తే.. వాళ్లలో చాలామంది లాయర్లు ఉన్నారని ఇంతకు ముందే చెప్పాను. ఆ లాయర్లు కరెక్ట్‌గా ఉంటే.. ఈ దేశంలో మనం చూస్తున్న దౌర్భాగ్య పరిస్థితులు ఉండవు. బాలీవుడ్‌లో పింక్ అని టైటిల్ పెట్టారు. సూక్ష్మ అర్థంతో చూసేవాళ్లు అనే అర్థంతో ఆ టైటిల్ పెట్టారు. తెలుగులో నేను ఏ టైటిల్ పెడతారా వెయిట్ చేస్తున్నా.. ఎందుకంటే పవన్ కళ్యాణ్ గత చిత్రాలు చూస్తే ఆయన ఎప్పుడూ తనపై, తన హీరోయిజంపై టైటిల్ ఉండాలని కోరుకోడు. జల్సా, అత్తారింటికి దారేది.. ఇలా ఏ సినిమా తీసుకున్నా.. కథను బట్టే సినిమా ఉంటుంది తప్ప ఆయనపై ఉండదు.ఈ సినిమా విషయంలో వీళ్లు ఏం టైటిల్ పెడతారు. పింక్ చిత్రానికి దగ్గరగా పెడతారా?? లేక దేనికి దగ్గరగా పెడతారా అని వెయిట్ చేశా. కాని వకీల్ సాబ్ అనే సూపర్ టైటిల్ పెట్టారు. నిజానికి వకీల్ సాబ్ అనకుండా.. పాత సినిమాల్లో పెట్టినట్టు ‘లాయర్ విశ్వనాథ్’, లాయర్ భారతీ దేవి ఇలా లాయర్ అనేది ముందు పెట్టి.. పవన్‌కి మంచి పేరు పెడతారని అనుకున్నాను. కాని వకీల్ సాబ్ అని అద్భుతమైన టైటిల్ పెట్టారు.. వాళ్లకు నిజంగా నమస్తే. ‘వకీల్ సాబ్’.. ఆ సాబ్ అనే పదం. చాలా గౌరవ సూచికంగా ఉంది. చట్టాన్ని ధర్మాన్ని కాపాడుతున్న వాళ్లకి ఇది గౌరవసూచికం. సాబ్.. అంటే నిన్ను ప్రపంచం అంత గౌరవిస్తుందని అర్థం. అక్కడ లాయర్ గారూ అని కూడా అనొచ్చు. కాని వకీల్ సాబ్ అనే ఉర్ధూ పదాన్ని తీసుకుని రావడంతో ఏదో తెలియని గమ్మత్తు ఉంది.
ఈ సినిమాలో శృతి హాసన్ వస్తుందంటే నాకు చాలా ఆనందంగా అనిపించింది. ఎందుకంటే గబ్బర్ సింగ్ కాంబినేషన్ అది. పింక్ చిత్రంలో అమితాబ్‌గారికి ఎక్కువ ఏజ్ ఉన్న ఆమెను చూపించారు. తమిళ్‌లో మిడిల్ ఏజ్ ఉన్న ఆమెను పెట్టారు. కాని ఇక్కడ యంగ్ హీరోయిన్‌ని పెడుతున్నారు. పింక్ మార్పులు చేర్పులు విషయం గురించి నేను చెప్తూ కథలో మార్పులు చేస్తే.. ఇక్కడిక్కడ సాంగ్స్ పెట్టుకునేందుకు అవకాశం ఉంటుందని చెప్పాను. శృతి హాసన్ పేరు రాగానే.. హమ్మయ్య ఇది కూడా చేస్తున్నారని అనిపించింది. ఎందుకంటే... మంచి కథని మంచి కథనంతో నడిపిస్తే దాని హిట్ రేంజ్ ఎక్కడో ఉంటుంది.
ఒక అమ్మాయికి జరిగిన అన్యాయాన్ని బుజాన వేసుకున్న వకీల్ సాబ్ కథ కాబట్టి.. దీనికి ప్రేరణగా ఆయన పక్కన పవర్ ఫుల్ హీరోయిన్‌ని పెట్టడం కథకు అవసరం. హీరోయిన్ లేని కథలు ఆగిపోయిన సందర్భాలు చాలా ఉన్నాయి. ఎన్ని సినిమాలు హీరోయిన్ లేకపోవడం వల్ల ఆగిపోయిన సందర్భాలు ఉన్నాయో తరువాత చెప్తా. హీరోయిన్‌ని ఎప్పుడూ మనం మిస్ చేయకూడదు. ఎందుకంటే.. ఆడియన్స్‌లో నాలుగు రకాల వారు ఉంటారు. క్లాస్ మాస్‌గా విడిపోయేవాళ్లు ఉన్నారు. వీళ్లందరికీ నచ్చితేనే సినిమా మనం అనుకున్న స్థాయిలో ఉంటుంది. ఈ వకీల్ సాబ్ చిత్రంలో శృతి హాసన్‌ని తీసుకోవడం మంచి విషయం.
పవన్ కళ్యాణ్ తిరిగి సినిమాల్లోకి రావాలని నాతో పాటు మీరు కూడా కోరుకున్నారు. కాని ఆయన ఏదైతే ‘ఎంజీఆర్’ స్కూల్ అని నేను చెప్పానో దాన్ని వదల్లేదు. మళ్లీ వెళ్లి ప్రజా సమస్య గురించే ఇప్పుడు ‘వకీల్ సాబ్’గా ప్రశ్నించబోతున్నారు. పవన్ కళ్యాణ్ భయపడే విషయం ఏంటంటే.. తన వెనుకు ఉన్నది అంతా యూత్.. ఆ యూత్‌కి ఏదైనా తప్పులు పిలుపు ఇస్తే ప్రమాదం జరుగుతుందనే భయం ఆయనలో ఉంది. ఎందుకంటే.. చదువుకునే వాళ్లు, ఉద్యోగం చేసుకునే వాళ్లను తన పార్టీలోకి రావాలని ఆయనెప్పుడూ పిలుపు ఇవ్వలేదు. ఎందుకంటే వాళ్లు ఏమైపోతారనే భయం ఆయనలో ఉందనే భయం నేను గమనించాను.
పవన్ కళ్యాణ్ మైక్ ముందు నిలబడి ఒకే ఒక్క పిలుపు ఇస్తే.. ఎన్ని లక్షల మంది రోడ్ల మీదికి వస్తారో నాకు తెలుసు. పవన్ కళ్యాణ్ ఏం చెప్తారు.. మీరేం భయపడకండి.. అన్యాయంపై పోరాడదాం.. కాని ఎక్కడైతే అన్యాయం జరిగిందో దానికి సంబంధించిన రిపోర్ట్ నాకు పంపండి.. దాన్ని తీసుకుని కేంద్రం వద్దకు నేను వెళ్తా అన్నారు. అంటే ప్రత్యక్షంగా యూత్ వీధిపోరాటాల్లోకి దిగకూడదనే ఆయన ఆలోచన. లీడర్ అనేవాడు ఎప్పుడూ క్యాడర్‌ని కాపాడుకోవాలి. వాళ్ల మంచి చెడులు చూసుకోవాలి. పవన్ కళ్యాణ్‌లో ఉన్న ముఖ్య లక్షణం ఇదే. ఎమ్మెల్యే, ఎంపీ అవ్వాలని ఆయన కోరుకోవడం లేదు. రాజకీయాల్లో మార్పుని కోరుకుంటున్నారు. ఆయన నడిపే ఉద్యమాలు కూడా ఒక ప్రణాళికబద్ధంగా ఉంటాయి.
పవన్ కళ్యాణ్ సినిమాను ఒక పవర్ ఫుల్ వెపన్‌లా ఉపయోగించుకోబోతున్నారు. సభ పెట్టి ఉపన్యాసం ఇస్తే.. ఓ 10 వేల మందికి రీచ్ అవుతుందేమో కాని ఇలాంటి సినిమాల ద్వారా లక్షల మందికి మంచి సమాచారం వెళ్లబోతుంది. వకీల్ సాబ్‌లో సామాజిక అంశాలతో కూడిన సంభాషణలు చాలా ఉంటాయి. తప్పని సరిగా ఆయన రాయించుకునే ఉంటారు. అవి ప్రజల్లో చైతన్యాన్ని కలిగిస్తాయని నేను విశ్వసిస్తున్నాను. తెల్లారే సరికి ప్రజల్లో చైతన్యం తీసుకురావడం అనేది అంత ఈజీ కాదనే విషయం గత ఎలక్షన్స్ ద్వారా పవన్ కళ్యాణ్ గ్రహించారు. అందుకే నేను మీతోనే ఉంటాను అనే విశ్వాసాన్ని సినిమాల ద్వారా కలిగించే ప్రయత్నాన్ని చేస్తున్నారు. ఆయన చేస్తున్న వకీల్ సాబ్ కథ ద్వారా కొంతమందికి జ్ఞానోదయం అయితే.. ఇందులో రాబోయే సంభాషణలు కోట్ల మంది హృ దయాల్లో నిలిచిపోవాలని కోరుకుంటున్నాను’ అంటూ వకీల్ సాబ్ చిత్రం గురించి పలు ఆసక్తికరమైన విషయాలు తెలియజేశారు పరుచూరి గోపాలకృష్ణ.
from Telugu Movie News | Movie News in Telugu | Movie Gossips in Telugu https://ift.tt/3ez3vZ9
No comments:
Post a Comment