మన కళ్లు పచ్చగా ఉంటే లోకం అంతా పచ్చగానే కనిపిస్తుంటుంది. ఏంటేంటి పెళ్లి ఫిక్స్ అయిన తరువాత మధ్యలో గ్యాప్ వస్తే.. నిజాలు తెలిసే బంపర్ ఆఫర్ మిస్ అవుతారని మాస్క్‌లు పెట్టుకుని మరీ గ్యాప్ లేకుండా పెళ్లిళ్లు చేసుకుంటున్నారా?? అంతేలే మన ఆలోచన అంతవరకే. ఒకసారి రెండు కుటుంబాలు పెళ్లి సంబంధం కుదుర్చుకుని ముహూర్తం పెట్టుకున్న తరువాత ఆ పెళ్లి వాయిదా పడితే రెండు కుంటుంబాల్లోనూ, ఆ కాబోయే భార్యాభర్తల్లో ఉండే ఆందోళన అనుభవిస్తే అర్థం అవుతుంది. పోనీ ఆ రహస్యాలు బయటపడాయని కంగారు పడి పెళ్లి చేసుకుంటున్నారు అన్నప్పుడు అవేంటో చెప్పొచ్చు కదా.. గారూ!! నిఖిల్ సిద్దార్థ్ - పల్లవి వర్మల వివాహం మే 14న హైదరాబాద్ శివారు ప్రాంతం శామిర్ పేటలోని ఓ ప్రైవేట్ గెస్ట్ హౌస్‌లో అత్యంత సన్నిహితుల మధ్య నిరాడంబరంగా జరిగింది. లాక్ డౌన్ నిబంధనల్ని పాటిస్తూ ఈ పెళ్లిని సింపుల్‌గా కానిచ్చేశారు. అయితే నిఖిల్ పెళ్లిపై సినీ నటి మాధవీలత ఇన్ డైరెక్ట్ అటాక్ చేస్తూ ఫేస్ బుక్‌లో పోస్ట్ పెట్టింది. అసలు ఆగట్లేదుగా జనాలు.. మాస్క్‌లు వేసుకుని పెళ్లిళ్లు ఎందుకు?? ముహూర్తం మళ్లీ రాదా? ఇది పోతే శ్రావణం.. అదీ పోతే మేఘమాసం.. లేకుండా మరో సంవత్సరం తరువాత ముహూర్తం వస్తుంది కదా.. ఏ పెళ్లి పిల్ల దొరకదా.. లేకుండా పిల్లోడు మారిపోతాడా?? అలా మారిపోయే మనుషులతో బంధాలు ఎందుకు? మాస్క్ ముసుగులో పెళ్లి అవసరమా? కొన్నాళ్లు ఆగలేని వాళ్లు సంసారాలు చేస్తారా?? ఫిక్స్ అయిన మ్యారేజ్‌లో గ్యాప్ వస్తే.. నిజాలు తెలిసి బంపర్ ఆఫర్ మిస్ అవుతున్నారు. సచ్చిపోతున్నార్రా నాయనా అంటే.. ఈ పెళ్లి ఏంటో.. నాకు అర్థం కావడం లేదు’ అంటూ నిఖిల్ పెళ్లిపై షాకింగ్ కామెంట్స్ చేస్తూ.. నా పోస్ట్ నా ఇష్టం.. నా ఒపీనియన్ నేను చెప్తా.. నాకు ఆహక్కు ఉంది అంటూ డిస్‌క్లైమర్ పెట్టింది మాధవీలత. ఇంతకీ మీరు అన్నది నిఖిల్‌నేనా మాధవీలతా.. అని ఓ నెటిజన్ ప్రశ్నించడంతో.. ఏమో అంటూనే మాస్క్ పెట్టుకుని పెళ్లి చేసుకున్నది ఎవరు? ఆ మాత్రం అర్థం కావడంలేదా? బాసూ.. ఆమె ఎవరిపై ఇన్ డైరెక్ట్ సెటైర్లు వేస్తుందో అని మరో నెటిజన్ స్పందించారు. అయినా ఒకసారి పెళ్లి వాయిదా పడింది.. మళ్లీ వాయిదా అంటే పేరెంట్స్‌కి టెన్షన్ ఉంటుంది కదా... పెళ్లి ఫిక్స్ అయిన తరువాత పెద్దలు ఆలస్యం చేయకపోవడానికి చాలా కారణాలు ఉంటాయి’ అంటూ మాధవీలత పోస్ట్‌పై ఓ వ్యక్తి రియాక్ట్ కాగా... అలా అయ్యిందంటే వాళ్ల మధ్య సరైన అవగాహన లేదని అర్థం అంటూ తన వాదనను సమర్ధించుకుంటోంది మాధవీలత. కాగా.. తాను ప్రేమించిన అమ్మాయి, భీమవరానికి చెందిన డాక్టర్ పల్లవి వర్మతో ఫిబ్రవరి 1న గోవాలో నిఖిల్ నిశ్చితార్థం జరిగింది. పెళ్లికి ఏప్రిల్ 16వ తేదీని ఖరారు చేశారు. అయితే, పెళ్లి తేదీకి సుమారు నెల రోజుల ముందు లాక్‌డౌన్ అమల్లోకి వచ్చింది. దీంతో, రెండు కుటుంబాలు చర్చించుకుని మే 14వ తేదీని ఖరారు చేసుకున్నాయి. అయితే, లాక్‌డౌన్‌ను కేంద్ర ప్రభుత్వం మే 17 వరకు, తెలంగాణ ప్రభుత్వం మే 29 వరకు పొడిగించడంతో ఇక ఈ పరిస్థితి ముగిసే వరకు పెళ్లిని వాయిదా వేయాలని నిఖిల్ నిర్ణయించుకున్నారు. కానీ, మంచి ముహూర్తాలు దరిదాపుల్లో లేకపోవడంతో మే 14న పెళ్లి చేసుకున్నారు నిఖిల్, పల్లవి వర్మలు.
from Telugu Movie News | Movie News in Telugu | Movie Gossips in Telugu https://ift.tt/2Z0hWRk
No comments:
Post a Comment