దిల్ రాజు రెండో పెళ్లి: చిత్రసీమ నుంచి ఇద్దరు డైరెక్టర్స్ మాత్రమే హాజరు! ఆ ఇద్దరే..

టాలీవుడ్ సక్సెస్‌ఫుల్ నిర్మాత రెండో వివాహం చేసుకున్న సంగతి తెలిసిందే. నిజామాబాద్‌ జిల్లాలోని ఆయన స్వగ్రామంలో వేంకటేశ్వరస్వామి గుడిలో ఆదివారం రాత్రి 11:30 గంటలకు ఆయన వివాహాం జరిగింది. లాక్‌డౌన్ అమలులో ఉన్న కారణంగా కేవలం అత్యంత సన్నిహితులైన 20 మంది సమక్షంలో నిరాడంబరంగా ఈ పెళ్లి కార్యక్రమం జరిగింది. అయితే ఈ పెళ్లికి తెలుగు చిత్ర ప‌రిశ్ర‌మ‌ నుంచి ఎవరైనా హాజరయ్యారా? ఆ 20 మంది అంతా కుటుంబ సభ్యులైనా లేదంటే టాలీవుడ్‌కి చెందిన వారెవరైనా ఉన్నారా అనే కోణంలో మీడియా వర్గాలు ఆరాదీస్తున్నాయి. ఈ క్రమంలో దిల్ రాజు సన్నిహితుల నుంచి అందిన సమాచారం మేరకు ఈ పెళ్లికి ఇద్దరు డైరెక్టర్లు మాత్రమే హాజరైనట్లు తెలిసింది. ఆ ఇద్దరే అనిల్ రావిపూడి, హ‌రీశ్ శంక‌ర్ అంటున్నారు. సినీ పరిశ్రమలో వీరిద్ద‌రూ కూడా దిల్ రాజు అత్యంత ఆప్తులు కావడంతో ఆ ఇద్దరినీ ప్రత్యేకంగా ఆహ్వానించారని సమాచారం. దిల్ రాజు భార్య అనిత 2017 సంవత్సరంలో గుండెపోటుతో మరణించడంతో గత మూడేళ్ళుగా ఆయన ఒంటరి జీవితం గడుపుతున్నారు. ఈ క్రమంలో ఆయన కూతురు హన్షిత రెడ్డి, ఇతర స‌న్నిహితుల ఒత్తిడి మేర‌కు రెండో పెళ్లి నిర్ణ‌యం తీసుకున్న దిల్ రాజు రెండోసారి ఏడడుగులేశారు. ఆయన రెండో భార్య పేరు వైఘా రెడ్డి. పెళ్లి కోసమై జాతక రిత్యా ఆమె పేరును తేజస్వినిగా మార్చారు. కాగా దిల్ రాజు రెండో భార్య తేజస్విని బ్రాహ్మణ కుటుంబానికి చెందిన వ్యక్తి అని, గతంలో ఆమె ఎయిర్ హోస్టెస్‌గా పని చేసిందని వార్తలు వచ్చాయి. కానీ నిజానికి ఆమె రెడ్డి కుటుంబానికి చెందిన వ్యక్తే అనేది సన్నిహిత వర్గాల నుంచి అందిన సమాచారం. పైగా దిల్ రాజు కుటుంబానికి, ఆమె కుటుంబానికి మధ్య దగ్గరి సంబంధాలు ఉన్నట్లు తెలుస్తోంది.

from Telugu Movie News | Movie News in Telugu | Movie Gossips in Telugu https://ift.tt/3dz1zPJ