మెగాస్టార్ రీ ఎంట్రీ సక్సెస్ఫుల్గా సాగుతుండటం మెగా అభిమాన లోకాన్ని మురిపిస్తోంది. వరుస సినిమాలకు ఆయన గ్రీన్ సిగ్నల్ ఇస్తుండటం వారిలో సరికొత్త ఉత్సాహాన్ని నింపుతోంది. మరోవైపు ఆయన సోషల్ మీడియా ఎంట్రీ ఇవ్వడం, ఆ వేదికగా ఎప్పటికప్పుడు అప్డేట్స్ ఇస్తూ పలు అంశాలపై స్పందిస్తుండటం మరింత ఆసక్తికరంగా మారింది. ఈ క్రమంలోనే మలయాళీ సూపర్ స్టార్ మోహన్ లాల్ పుట్టిన రోజు సందర్భంగా ట్వీట్ చేస్తూ ఆసక్తికర వ్యాఖ్యలు చేశారు . నిన్న (మే 21) మలయాళీ సీనియర్ స్టార్ హీరో మోహన్ లాల్ 60వ పుట్టినరోజు. ఈ సందర్భంగా ఆయనకు సోషల్ మీడియా వేదికగా బర్త్ డే విషెష్ వెల్లువెత్తాయి. తోటి హీరోలు, అభిమానులు ఆయనకు పెద్ద ఎత్తున పుట్టినరోజు శుభాకాంక్షలు చెప్పారు. అయితే చిరంజీవి మాత్రం అందరినీ ఆకర్షించేలా తనదైన శైలిలో మోహన్ లాల్కి విషెస్ చెప్పారు. ముందు నుంచి మోహన్ లాల్- చిరంజీవి మధ్య సన్నిహిత సంబంధాలున్నాయి. ఈ క్రమంలోనే ఇటు మెగా అభిమానులు, అటు మలయాళీ ప్రేక్షకులు ఖుషీ అయ్యేలా తన మిత్రుడికి శుభాకాంక్షలు చెబుతూ ట్వీట్ చేశారు చిరంజీవి. Also Read: ''నా ప్రియమైన లాలెట్టన్ మోహన్ లాల్కు 60వ పుట్టినరోజు శుభాకాంక్షలు. మీలాంటి లెజెండ్ యాక్టర్, సూపర్ స్టార్ ఉన్న కాలంలోనే నేను కూడా సినీ పరిశ్రమలో ఉన్నందుకు చాలా గర్వంగా ఉంది. మీరు ఇలాగే ఇంకా చాలా ఏళ్ల పాటు ప్రేక్షకులను అలరిస్తూ, అందరిలో స్ఫూర్తిని నింపాలని కోరుకుంటున్నా'' అని చిరంజీవి పేర్కొన్నారు. ఇకపోతే మలయాళంలో మోహన్ లాల్ ప్రధాన పాత్రలో రూపొంది సూపర్ హిట్ అయిన 'లూసిఫర్' సినిమాను తెలుగులో చిరంజీవి రీమేక్ చేయనున్న సంగతి తెలిసిందే. కొణిదెల ప్రొడక్షన్స్ బ్యానర్పై రూపొందనున్న ఈ సినిమాకు యంగ్ డైరెక్టర్ సుజీత్ దర్శకత్వం వహించనున్నారని తెలుస్తోంది. చిరంజీవి తాజా సినిమా 'ఆచార్య' ఫినిష్ కాగానే ఈ మూవీని సెట్స్ మీదకు తీసుకురావాలని ప్లాన్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/36k8mKC
No comments:
Post a Comment