రెచ్చిపోయిన హీరో.. రష్మిక మందనపై దారుణంగా! ముదురుతున్న వివాదం

క్రేజీ బ్యూటీ రష్మిక మందనను ఓ హీరో దారుణంగా టీజ్ చేస్తున్న వీడియో సోషల్ మీడియాలో సంచలనంగా మారింది. ఈ వీడియోలోని సన్నివేశాలు చూసి మహిళా సంఘాలు, నెటిజన్లు ఓ రేంజ్‌లో ఫైర్ అవుతున్నారు. నిజానికి ఇది నటిస్తున్న కొత్త సినిమాలోని వీడియో సాంగ్. ఇటీవలే ఈ సాంగ్ విడుదల చేయడంతో రచ్చ మొదలైంది. రష్మిక మందనపై మీద మీద పడుతూ హీరో రెచ్చిపోతున్న తీరు విమర్శలకు తావిచ్చింది. వెంటనే సినిమా నుంచి ఈ వీడియో సాంగ్ తొలగించాలని డిమాండ్ చేస్తున్నాయి మహిళా సంఘాలు. తెలుగుతో పాటు క‌న్న‌డ‌ సినిమాలతో బిజీగా ఉన్న రష్మిక.. ప్రస్తుతం 'పొగరు' అనే కన్నడ సినిమా చేస్తోంది. నంద కిషోర్ దర్శకత్వంలో మాస్ ఎంటర్‌టైనర్‌గా రూపొందుతున్న ఈ చిత్రంలో హీరోగా నటిస్తున్నారు. చిత్ర ప్రమోషన్స్‌లో భాగంగా ఈ సినిమా నుంచి ఇటీవలే మాస్ మసాలా వీడియో సాంగ్ రిలీజ్ చేశారు. ఈ సాంగ్‌లో హీరోయిన్ రష్మికను హీరో ధ్రువ సర్జా టీజ్ చేయడం, దారుణంగా హింసించడం లాంటి సన్నివేశాలు చూపించడంతో ఈ ఇష్యూ రచ్చెకెక్కింది. ఓ వైపు భారీ రెస్పాన్స్ తెచ్చుకుంటూ విడుదలైన వారం రోజుల్లోనే ఈ పాటకు 8 మిలియన్లకుపైగా వ్యూస్ వచ్చినప్పటికీ, మహిళామణుల ఆగ్రహానికి గురవుతోంది ఈ సాంగ్. మహిళల ఆత్మగౌరవాన్ని కించపరిచే విధంగా ఈ పాటను చిత్రీకరించారని పెద్దఎత్తున కామెంట్స్ వస్తున్నాయి. ఓ అమ్మాయిని ఇంత దారుణంగా ఏడిపించడం లాంటి సన్నివేశాలు ప్రేక్షకుల్లో హింసాత్మక ధోరణిని పెంపొందిస్తాయని పేర్కొంటూ వెంటనే ఈ పాటను తొలగించాలని డిమాండ్ చేస్తున్నాయి మహిళా సంఘాలు. ఇప్పటికే సమాజంలో స్త్రీలపై జరుగుతున్న దాడులకు ఇలాంటి పాటలు మరింత ఊతమిస్తాయని పేర్కొంటూ ఈ పాటపై పోలీసులకు ఫిర్యాదు కూడా చేసినట్లు తెలుస్తోంది. ఈ 'పొగరు' సినిమాను ఏప్రిల్ 24న విడుదల చేయాలని సన్నాహాలు చేస్తున్న క్రమంలో కరోనా ఎఫెక్ట్, మహిళా సంఘాల డిమాండ్స్ చూసి దర్శకనిర్మాతలు తలపట్టుకుంటున్నారు. చూడాలి మరి ఈ పాటను సినిమా నుంచి తొలగిస్తారా? లేదా? అనేది.

from Telugu Movie News | Movie News in Telugu | Movie Gossips in Telugu https://ift.tt/2JZ9t8d