లాక్ డౌన్ పొడిగింపుతో మహేష్ బాబు సంచలన నిర్ణయం

వరుస విజయాలతో దూసుకుపోతున్న మహేష్ బాబు... తన తర్వాత సినిమాపై కూడా అంతే దృష్టి పెట్టారు. కరోనా ఎఫెక్ట్ లాక్ డౌన్ తో అన్ని సినిమాల షూటింగ్స్ నిలిచిపోయాయి. దీంతో ప్రముఖ సెలబ్రిటీలంతా ఇళ్లకే పరిమితం అయ్యారు. తాము చేస్తున్న కొత్త సినిమాలకు సంబంధించిన షూటింగ్స్ కూడా ఎక్కడికక్కడే ఆగిపోయాయి. ముందుగా 21 రోజుల పాటు లాక్ డౌన్ విధించిన కేంద్రం ఆ తర్వాత దాన్ని మే 3వరకు పొడిగించింది. దీంతో టాలీవుడ్ సూపర్ స్టార్ మహేశ్ బాబు కీలక నిర్ణయం తీసుకున్నారు. 'సరిలేరు నీకెవ్వరు' సక్సెస్ తర్వాత మహేశ్ బాబు తన తదుపరి చిత్రాన్ని పరశురాం దర్శకత్వంలో చేయడానికి ఓకే చెప్పిన సంగతి తెలిసిందే. ఇక ప్రస్తుత లాక్ డౌన్ పరిస్థితుల వల్ల ఈ చిత్రం షూటింగ్ ఆలస్యమవుతుండడంతో మహేశ్ ఓ నిర్ణయం తీసుకున్నట్లు సమాచారం. పరుశురాంతో కొత్త సినిమా షూటింగ్ మొదలుపెట్టాక ఎక్కువ బ్రేక్‌లు ఇవ్వకుండా చిత్ర నిర్మాణాన్ని త్వరగా పూర్తిచేయాలని నిర్ణయించుకున్నట్టు తెలుస్తోంది. ఆ విధంగా షూటింగ్ ప్లాన్ చేయాలని ఇప్పటికే మహేష్ చిత్రయూనిట్‌కు చెప్పినట్లు సమాచారం. ఏదైనా కరోనా ఎఫెక్ట్ అన్నిరంగాలతో పాటు సినిమా రంగంపై కూడా బాగానే పడింది. దీంతో ఎప్పుడు లాక్ డౌన్ ఎత్తివేస్తే త్వరగా షూటింగ్స్ చేసుకుందామా అన్న ఆలోచనలో ఉన్నారు చిత్ర యూనిట్లు. అటు సినీ కార్మికులకు సైతం ఉపాధి లేకపోవడంతో వారిని ఆదుకునేందుకు తారలంతా విరాళాలు అందిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2V7PQBi