చాలామంది సెలబ్రిటీలకు ఇష్టదైవంతో ప్రత్యేక అనుభంధం ఉంది. బాలకృష్ణకు నర్సింహస్వామి అంటే ఇష్టం. మహేష్ బాబుకు రాముడు, మోహన్ బాబుకు షిర్డీ సాయి. వారివారి సినిమాల్లో కూడా ఆ దైవాలకు సంబంధించిన పాటలు, సీన్లు ఉండటం చూస్తుంటం. ఇవాళ . ఈ సందర్భంగా హనుమంతుడితో తనకు ఉన్న అనుబంధాన్ని గుర్తు చేసుకున్నారు. ఇటీవలే సోషల్ మీడియాలోకి వచ్చిన చిరంజీవి ఈ సందర్బంగా ఆంజనేయస్వామితో తనకున్న బంధాన్ని తన అభిమానులకు తెలిపారు. 1962లో జరిగిన ఓ సంఘటనను చెప్పుకొచ్చారు. చిన్నప్పుడు తనకు లాటరీలో ఓ బొమ్మ వచ్చిందన్నారు. ఆ బొమ్మను ఇప్పటివరకు అలాగే దాచుకున్నానన్నారు. ఆ రోజు తన చేతిలో ఉన్న బొమ్మను చూసి చిరు తండ్రి ఆ బొమ్మ కనుబొమ్మలు, కళ్లు, ముక్కు అచ్చం నీలానే ఉన్నాయన్నారని తెలిపారు. ‘ఈ రోజు హనుమజ్జయంతి. ఆంజనేయస్వామి తో నాకు చాలా అనుబంధం ఉంది...చిన్నప్పటి నుంచి...1962 లో నాకు ఓ లాటరి లో ఈ బొమ్మ వచ్చింది..అప్పటి నుంచి ఇప్పటి దాకా ఆ బొమ్మ నా దగ్గర అలాగే భద్రంగా ఉంది..ఉంది అని చెప్పటం కంటే దాచుకున్నాను అని చెప్పటం కరెక్ట్. కారణం ఏంటో తెలుసా?.’ అంటూ చిరు ఓ ట్వీట్ చేశారు. ‘ఆ రోజు నా చేతిలో ఆ బొమ్మ చూసి మా నాన్న గారు, "ఆ కనుబొమ్మలు, కళ్ళు, ముక్కు అచ్చం నీకు అలానే ఉన్నాయి" అన్నారు. అప్పటి నా ఫోటో.. ’ అంటూ చిరంజీవి చిన్ననాటి ఫోటోను కూడా షేర్ చేశారు. ఇక దీంతో పాటు బాపు తనకు బహుమతిగా ఇచ్చిన ఆంజనేయస్వామి ఫోటో విషయాన్ని కూడా తన అభిమానులతో షేర్ చేసుకున్నారు చిరంజీవి. కొన్ని దశాబ్దాల తరవాత, 2002 లో, బాపుగారు నా ఇంట్లో పెట్టుకునేందుకు నాకు ఇష్టమైన ఆంజనేయస్వామిని చిత్రించి పంపుతాను అన్నారు. నేను అది పాలరాతి మీద రి పొడ్యూస చేయించి పూజ గదిలో పెట్టుకున్నాను. ఈ బొమ్మ నాకు ఇచ్చేటప్పుడు ఆయన ఏమన్నారో తెలుసా …? అంటూ మరో ట్వీట్ చేశారు. బాపు గారు చెప్పిన మాట అంటూ "ఏంటోనండి ...బొమ్మని గీస్తుంటే మీ పోలికలే వచ్చాయండి ...అలానే ఉంచేసాను ...మార్చలేదు " అన్నారు. చిత్రకారుల ఊహలో స్వామివారి పోలికలు నాకు ఉండటం చిత్రమే. అందరికి హనుమజ్జయంతి శుభాకాంక్షలు. ఇవ్వాల్టి తారీఖుతో కూడా నాకు అనుబంధం ఉంది... అంటూ చిరు వరుసగా ట్వీట్లు చేశారు. మెగాస్టార్ అనేక సినిమాల్లో హనుమంతుని వేషంలో కనిపించారు. జగదేకవీరుడు అతిలోక సుందరి సినిమాలో మెగాస్టర్ హనుమంతుడి వేషంలో కనిపించారు. ఆ తర్వాత చిరు సినిమాల్లో కూడా ఎక్కువగా ఆంజనేయస్వామి విగ్రహమే కనిపిస్తుంది.
from Telugu Movie News | Movie News in Telugu | Movie Gossips in Telugu https://ift.tt/34kR3bj
No comments:
Post a Comment