జబర్దస్త్ బ్యూటీ గత కొన్నిరోజులుగా సోషల్ మీడియాలో హల్ చల్ చేస్తోంది. సాధారణంగా ఎప్పుడూ సోషల్ మీడియాలో యాక్టివ్గా ఉంటే ఈ భామ... కరోనా వైరస్పై చాలా ఎక్కువగానే స్పందిస్తుంది. నిన్న కరోనాకు సంబంధించి ఎయిర్ పోర్టులో చేపడుతున్న నియంత్రణ చర్యలపై ప్రశ్నించింది రష్మీ. తాజాగా కరోనాపై అంత ఆందోళన చెందాల్సిన అవసరం లేదంటూ ట్వీట్లు పెడుతుంది. కరోనాపై అంత ఆందోలన చెందాల్సిన పనిలేదంది రష్మీ. మనకు మనమే ఐసోలేషన్లో ఉండాల్సిన పని లేదంది. ప్రభుత్వాలు ఎమర్జెన్సీ ఏం ప్రకటించలేదంది. అలాంటప్పుడు సినిమా షూటింగ్స్ నిలిపివేయడంపై కూడా ఆమె ట్వీట్ చేసింది. చాలామంది యాక్టర్స్ కాంట్రాక్టులు తీసుకొని ఉన్నారని.. అలాంటప్పుడు ప్రొడక్షన్ హౌస్ షూటింగ్ చేయాలని కోరితే మనమంతా షూట్లో పాల్గొనాల్సి ఉంటుందని రష్మీ ట్వీట్ చేసింది. మనకు మనం అన్ని పనులు మానేసి ఐసోలేషన్లో ఉండాల్సిన పని లేదంటుంది జబర్దస్త్ బ్యూటీ. సాధారణంగా మన నిత్య జీవితం గడపవచ్చని చెబుతోంది. ఎన్నికలు వాయిదా వేయాల్సిన పరిస్థితి లేదని ఏపీ రాజకీయాలపై కూడా రష్మీ స్పందించింది. జనం పోగవుతారన్న కారణంతో ఎన్నికలు కూడా వాయిదా వేయాల్సిన అవసరం లేదని చెబుతోంది. అయితే రష్మీ చేసిన ట్వీట్లకు నెటిజన్స్ కొందరు ఘాటుగా స్పందిస్తున్నారు. ఓవర్ యాక్షన్ చేయోద్దంటూ మెసేజులు పెడుతున్నారు. ‘నీకే అన్నీ తెలుసు అనేలా మాట్లాడటం కరెక్ట్ కాదంటున్నారు. ఏపీ సీఎం, తెలంగాణ సీఎం చెప్పింది అర్థం కాకపోతే.. వెళ్లి ముందు తెలుగు నేర్చుకో. ఇప్పటివరకు కరోనా వైరస్కు మెడిసన్ లేదు నివారణ ఒక్కటే మార్గం. పారాసిట్మల్ టాబ్లేట్ కొంతవరకు మాత్రమే పనిచేస్తుంది’ అంటూ రష్మీ ట్వీట్లకు రిప్లై ఇస్తున్నారు. మరికొందరు ‘నువ్వు ఏమైనా ఎంబీబీఎస్ సర్జన్? చీఫ్ మినిస్టర్స్ కంటే నీకు ఎక్కువ తెలుసా ? ముఖ్యమంత్రులు మాట్లాడే ముందు డాక్టర్లు, సెక్రటేరియట్లను సంప్రదించకుండానే వ్యాఖ్యలు చేస్తారా ? వాళ్ల కంటే నీకు ఎక్కువ తెలుసా? నీ నాటకాలన్నీ నాగబాబు, సుధీర్, డైపర్ ఆది ముందు వెళ్లి చేయు. మా ముందు కాదు’ అంటూ మరో నెటిజన్ రష్మీ టీట్లకు ఘాటుగా సమాధానం చెప్పారు. అయినప్పటికీ రష్మీ మాత్రం వెనక్కి తగ్గడం లేదు. తాను చెప్పాల్సింది మాత్రం సోషల్ మీడియాలో చెప్తూనే వస్తోంది.
from Telugu Movie News | Movie News in Telugu | Movie Gossips in Telugu https://ift.tt/3aVLt1d
No comments:
Post a Comment