సినీ గేయ రచయితలు చంద్రబోస్, రామజోగయ్య శాస్త్రి.. ఎవరికి వారే సాటి. ఇద్దరూ టాలీవుడ్లో గొప్ప గేయ రచయితలుగా గుర్తింపు తెచ్చుకున్నారు. అయితే, రాజజోగయ్య శాస్త్రితో పోలిస్తే.. చంద్రబోస్ కాస్త సీనియర్. ఆయనే ముందుగా ఇండస్ట్రీలో అడుగుపెట్టారు. 1995లో వచ్చిన ‘తాజ్ మహల్’ సినిమాతో సినీ గేయ రచయితగా చంద్రబోస్ ప్రయాణం మొదలైంది. ఇక ‘యువసేన’ సినిమాతో రామజోగయ్య శాస్త్రి తెలుగు లిరిసిస్ట్గా మారారు. అంతకు ముందు కన్నడ సినిమాకు పాటలు రాశారు. మొత్తం మీద వీరిద్దరూ తెలుగులో స్టార్ లిరిసిస్టులుగా ఎదిగారు. అయితే, తన సీనియర్ చంద్రబోస్కు రామజోగయ్య శాస్త్రి ఛాలెంజ్ విసిరారు. గ్రీన్ ఇండియా ఛాలెంజ్లో భాగంగా ఈ సవాలును చంద్రబోస్కు విసిరారు రాంజీ. చంద్రబోస్తో పాటు సంగీత దర్శకుడు తమన్, హీరో రాజ్ తరుణ్కు కూడా రాంజీ ఛాలెంజ్ విసిరారు. రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్లో భాగంగా మణికొండలోని తన నివాసంలో రామజోగయ్య శాస్త్రి మొక్కలు నాటారు. ఈ సందర్భంగా రామజోగయ్య శాస్త్రి మాట్లాడుతూ.. ‘‘సీఎం కేసీఆర్ ప్రారంభించిన హరితహారం స్పూర్తితో ఎంపీ జోగినిపల్లి సంతోష్ కుమార్ ఈ గ్రీన్ ఇండియా ఛాలెంజ్ చేపట్టడం అభినందనీయం. నాకు మొక్కలన్నా, చెట్లన్నా చాలా ఇష్టం. ఈ కార్యక్రమంలో భాగంగా మొక్కలు నాటడం చాలా సంతోషాన్నిస్తుంది. పర్యావరణానికి మొక్కలు ఎంతగానో మేలు చేస్తాయి. ఈ కార్యక్రమాన్ని మరింత ముందుకు తీసుకు వెళ్లాల్సిన బాధ్యత మన అందరి మీద ఉంది. ఈ గ్రీన్ ఛాలెంజ్ను స్వీకరించాల్సిందిగా సినీ కవి చంద్రబోస్, సంగీత దర్శకులు థమన్, సినీ హీరో రాజ్ తరుణ్ను కోరుతున్నాను’’ అని అన్నారు. ఈ కార్యక్రమంలో గ్రీన్ ఛాలెంజ్ ప్రతినిధి, హెల్పింగ్ హ్యాండ్స్ ఫౌండేషన్ నిర్వాహకులు సుబ్బరాజు పాల్గొన్నారు. కాగా, ఈ కార్యక్రమంలో పాల్గొన్నందుకు రామజోగయ్య శాస్త్రికి ట్విట్టర్ ద్వారా ఎంపీ సంతోష్ కుమార్ థ్యాంక్స్ చెప్పారు. Also Read:
from Telugu Movie News | Movie News in Telugu | Movie Gossips in Telugu https://ift.tt/3aUoIe2
No comments:
Post a Comment