ప్రపంచ వ్యాప్తంగా కరోనా విజృంభిస్తుంది. ఇప్పటికే ఈ మహమ్మారి విసిరిన పంజాకు వేల సంఖ్యలో జనం మృత్యువాత పడుతున్నారు. వందల సంఖ్యలో ప్రజలు వైరస్కు గురవుతున్నారు. ప్రతీ రోజు ఎక్కడో ఓ చోట కేసులు నమోదవుతూనే ఉన్నాయి. ప్రస్తుతం ఇటలీలో కరోనా... విజృంభిస్తోంది. ఇప్పటవరకు ఆ దేశంలో 800కు పైగా మంది మరణించారు. మరో 12వేల కేసులు నమోదయ్యాయి. తాజాగా హాలీవుడ్కు చెందిన ప్రముఖ నటీనటులు కూడా కరోనా బారిన పడ్డారు. తమకు కరోనా వైరస్ సోకినట్లు హాలీవుడ్ నటుడు టామ్ హ్యాంక్స్ తెలిపారు. తనతో పాటు తన భార్య రీటా విల్సన్కు కూడా కరోనా లక్షణాలున్నాయన్నారు. ఆస్ట్రేలియాలో కోవిడ్ 19 వ్యాధికి గురైన ఇద్దరు ప్రస్తుతం ఐసోలేషన్ వార్డులో చికిత్స పొందుతున్నారు. ఎప్పటికప్పుడు తమ ఆరోగ్యానికి సంబంధించిన సమాచారాన్ని అందిస్తామన్నారు. దీంతో ప్రజలు భయబ్రాంతులకు గురవుతున్నారు. ఎక్కడ తమకు కరోనా సోకుతుందని చిగురుటాకుల్లా వణికిపోతున్నారు. మరోవైపు ఇండియాలో కూడా కరోనా ఎంట్రీ ఇచ్చింది. భారత్లో కరోనా కేసుల సంఖ్య 62కు చేరింది. అయితే జనంలో కరోనాపై ఉన్న భయాల్ని... క్యాష్ చేసుకునే పనిలో పడుతున్నారు భారతదేశానికి చెందిన కొందరు సినీ దర్శకులు. అందుకే.. కరోనా వైరస్పై కూడా సినిమా తీసేందుకు సిద్ధమవుతున్నారు కన్నడ దర్శకుడు ఉమేశ్ భనకర్. కరోనాలో ఆయన ఓ కథాంశం చూశానన్నారు. కరోనా వైరస్పై సినిమా తీస్తానని ప్రకటించారాయన. ఈ సినిమాకు ‘’ (భయంకరమైన కరోనా) అనే టైటిల్ను కూడా దర్శకుడు ఉమేశ్ రిజిస్టర్ చేయించారు. దీన్ని ప్యాన్ ఇండియా సినిమాగా తీయాలని ఆయన భావిస్తున్నట్లు సమాచారం. అసలు కరోనా వైరస్ ఎక్కడ నుంచి వచ్చింది? ఎలా వచ్చింది? దాని ప్రభావం ప్రపంచం మీద ఎలా ఉంది? వంటి అంశాలను మా సినిమాలో చూపిస్తామన్నారు దర్శకుడు ఉమేశ్. గతంలో కూడా ఇలాంటి వైరస్కు సంబంధించిన సినిమా ఒకటి వచ్చింది. తమిళంలో ప్రముఖ నటుడు సూర్య నటించిన సెవెన్త్ సెన్స్ అనే సినిమాలో కూడా భయంకరమైన వైరస్ గురించి ప్రస్తావన ఉంటుంది. ఆ సినిమాలో కూడా వైరస్ చైనాలోనే పుడుతుంది. సూర్య తొలిసారిగా హిస్టారికల్ మెడికల్ సైన్స్ ఫిక్షన్ థ్రిల్లర్గా సెవెన్త్ సెన్స్లో నటించారు. అప్పట్లో ఈ సినిమాకు మురుగుదాస్ దర్శకత్వం వహించారు. కరోనా వైరస్ వచ్చినప్పుటి నుంచి అందరూ సూర్య సినిమా సెవెన్త్ సెన్స్ గురించే ప్రధానంగా చర్చించుకున్నారు. ఆ సినిమాలో లాగే... కరోనా వైరస్ కూడా చైనా పుట్టించిందంటూ కొందరూ చెప్పుకొచ్చారు. అయితే ఇప్పుడు ఏకంగా కరోనా వైరస్ గురించే సినిమా వస్తుండటంతో పలువురు ఆసక్తిగా సినిమా గురించి ఎదురు చూస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2W4J3Jr
No comments:
Post a Comment