విజయాన్ని ఇంటిపేరుగా మార్చుకున్న.. విక్టరీ వెంకటేష్‌ బర్త్‌డే స్పెషల్‌

యాక్షన్‌ అయినా, కామెడీ అయినా, రొమాన్స్‌ అయినా, సెంటిమెంట్‌ అయినా.. తనదైన స్టైల్‌లో అద్భుతంగా పండించే సీనియర్‌ హీరో విక్టరీ . స్టార్‌ వారసుడిగా ఎంట్రీ ఇచ్చి కూడా ఎలాంటి ఇమేజ్‌ చట్రంలో ఇరుక్కు పోకుండా డిఫరెంట్‌ మూవీస్‌ చేస్తూ ఆకట్టుకుంటున్న వెంకీ పుట్టిన రోజు నేడు (డిసెంబర్‌ 13) ఈ సందర్భంగా ఆయనకు పుట్టిన రోజు శుభాకాంక్షలు తెలియజేస్తూ ఆయన కెరీర్‌పై ఓ లుక్కేద్దాం. నిర్మాతల వారసుడిగా ఎంట్రీ ఇచ్చి టాప్‌ స్టార్‌గా ఎదిగిన తొలి నటుడు విక్టరీ వెంకటేషే. హీరోగా కావాలని సినీ రంగంలోకి అడుగుపెట్టిన మూవీ మొఘల్‌ రామానాయుడు తాను అనుకున్నది సాధించలేకపోయాడు. అయితే ఆ కలను వెంకటేష్‌ ద్వారా నెరవేర్చుకున్నాడు రామానాయుడు. తండ్రి కలను నిజం చేస్తూ హీరోగా అంచలంచెలుగా ఎదుగుతూ వచ్చిన వెంకటేష్‌ తన జనరేషన్‌లో టాప్‌ స్టార్స్‌ నలుగురిలో ఒకరిగా రాణించాడు. తన ఇమేజ్‌, బాడీ లాంగ్వేజ్‌కు తగ్గ పాత్రలను ఎంచుకుంటూ వరుస విజయాలతో ఆకట్టుకున్న వెంకటేష్‌ విక్టరీని తన ఇంటిపేరుగా మార్చుకున్నాడు. తొలి సినిమా కలియుగ పాండవుల నుంచే తన మార్క్‌ చూపించిన వెంకీ తరువాత వరుసగా మాస్‌ సినిమాలతో అలరించాడు. కెరీర్‌ స్టార్టింగ్‌లో యాక్షన్‌ హీరోగా మంచి క్రేజ్‌ సంపాదించుకున్నాడు. అయితే తరువాత ఆరోగ్య సమస్యల కారణంగా యాక్షన్‌ ఎపిసోడ్స్‌కు దూరమైన వెంకీ ఫ్యామిలీ హీరోగా టర్న్‌ తీసుకున్నాడు. అంతవరకు తనకున్న ఇమేజ్‌ను పక్కన పెట్టి ఫ్యామిలీ డ్రామలతోనూ అలరించాడు. ముఖ్యంగా పెళ్లి చేసుకుందాం, పవిత్రబంధం, ప్రేమించుకుందాంరా, కలిసుందాం.. రా లాంటి సినిమాల్లో వెంకీ నటనకు కలెక్షన్లు ప్రశంసలతో పాటు అవార్డులు రివార్డులు కూడా వచ్చాయి. తరువాత కూడా ఎక్కువగా ఫ్యామిలీ సినిమాలే చేసిన వెంకీ అడపాదడపా గణేష్‌, లక్ష్మీ, తులసి లాంటి మాస్‌ మూవీస్‌తో కూడా ఆకట్టుకుంటున్నాడు. అయితే చాలాకాలం తరువాత తెలుగు తెరమీద ఇక రాదేమో అనుకున్న మల్టీ స్టారర్‌ సినిమాకు సై అని తన స్పెషాలిటీని మరోసారి నిరూపించుకున్నాడు. యంగ్‌ హీరో మహేష్‌ బాబుతో కలిసి సీతమ్మవాకిట్లో సిరిమల్లె చెట్టు సినిమాలో నటించిన వెంకీ తరువాత మరో యంగ్‌ హీరో వరుణ్ తేజ్‌తో కలిసి ఎఫ్‌ 2 సినిమాతో మరో బిగ్‌ హిట్‌ను తన ఖాతాలో వేసుకున్నాడు. తాజాగా రియల్‌ లైఫ్‌ అల్లుడు నాగ చైతన్యతో కలిసి రీల్‌ లైఫ్‌లో వెంకీ మామగా ప్రేక్షకుల ముందుకు వచ్చాడు. స్ట్రెయిట్‌ మూవీస్‌తో వరుస విజయాలను సాధించటంతో పాటు రీమేక్స్‌లోనూ కింగ్‌ అనిపించుకున్నాడు వెంకీ. అందుకే విజయం ఆయనను ఇంటి పేరుగా మారిపోయింది. వెంకటేశ్‌ హీరోగా రూపొందిన ప్రేమ, ధర్మచక్రం, గణేశ్‌, కలిసుందాం రా, ఆడవాళ్ల మాటలకు అర్థాలే వేరులే చిత్రాలు ఆయనకు ఉత్తమనటునిగా నంది అవార్డులను సాదించి పెట్టాయి. అంతేకాదు ఈ జనరేషన్‌ హీరోలలో అత్యధిక నంది అవార్డులను అందుకున్న హీరోగా నిలిచాడు వెంకీ. ప్రస్తుతం తమిళ సూపర్‌ హిట్‌ అసురన్‌ రీమేక్‌తో ప్రేక్షకుల ముందుకు వచ్చేందుకు రెడీ అవుతున్నాడు వెంకీ. ఇలా తెలుగు వెండితెర మీద తన మార్క్‌ చూపిస్తూ దూసుకుపోతున్న టాలీవుడ్‌ హీరో విక్టరీ వెంకటేష్‌ మరిన్ని పుట్టిన రోజు వేడుకలు జరుపుకోవాలని కోరుకుంటూ సమయం ఆయనకు పుట్టినరోజు శుభాకాంక్షలను తెలియజేస్తుంది.

from Telugu Movie News | Movie News in Telugu | Movie Gossips in Telugu https://ift.tt/2YJPcdx