మన ‘వసుమతి’కి ఓ మంచి అబ్బాయి కావాలటండీ. అందుకే డేటింగ్ యాప్‌లో అబ్బాయిల కోసం తెగ వెతికేస్తోంది. అయితే ఇదంతా నిజంగా కాదులెండి. ఆమె నటిస్తున్న సినిమా కోసం. కియారా ప్రధాన పాత్రలో తెరకెక్కుతున్న సినిమా ‘ఇందూ కీ జవానీ’. అబీర్ సేన్‌గుప్తా డైరెక్ట్ చేస్తున్నారు. ఈ సినిమాకు సంబంధించిన ఫస్ట్‌లుక్‌ను తాజాగా విడుదల చేశారు. ఓ కుర్చీలో పైజామా, టీషర్ట్ వేసుకుని లవ్లీగా కూర్చుని ఉన్న ఈ లుక్ ప్రేక్షకులను ఆకట్టుకుంటోంది. లఖ్‌నౌలో సినిమా షూటింగ్ జరుగుతోంది. ఇందులో కియారా ఘజియాబాద్‌కు చెందిన ఇందు అనే నాటీ అమ్మాయి పాత్రలో నటించనుంది. ఆదిత్య సీల్ కథానాయకుడిగా నటిస్తున్నాడు. ఏజ్ కామెడీ నేపథ్యంలో సినిమాను తెరకెక్కిస్తున్నారు. ఇంతకీ ఈ సినిమా కాన్సెప్ట్ ఏంటంటే.. ఇందు (కియారా) ఓ మంచి అబ్బాయిని ప్రేమించి పెళ్లి చేసుకోవాలని అనుకుంటుంది. అయితే తనకు నచ్చిన అబ్బాయిని వెతకానికి ఆమె డేటింగ్ యాప్స్ వాడుతూ ఉంటుంది. డేటింగ్ యాప్స్‌లో కాస్త అందంగా ఏ అబ్బాయి కనిపించినా అతనితో మాట కలుపుతూ ఉంటుంది. మనిషి మంచోడు అనిపిస్తే పెళ్లి చేసుకోవాలని నిర్ణయించుకుంటుంది. మరి కియారాకు మంచి అబ్బాయి దొరుకుతాడా? లేదా?, బాయ్‌ఫ్రెండ్ కోసం వెతికే క్రమంలో కియారాకు ఎదురైన పరిస్థితులేంటి అనేదే సినిమా. సినిమాకు సంతకం చేసినప్పటి నుంచి ఇందు క్యారెక్టర్‌లో ఒదిగిపోవడానికి చాలా కష్టపడుతున్నానని తెలిపారు.
READ ALSO: ప్రతి భారతీయ ఆడపిల్లలో ఓ ఇందు ఉంటుందని పేర్కొన్నారు. కడుపుబ్బా నవ్వించే సినిమాను ప్రేక్షకుల ముందుకు తీసుకురానున్నామని వెల్లడించారు. ఈ సినిమా వచ్చే ఏడాది జూన్‌లో విడుదల కానుంది. ‘కబీర్ సింగ్’ సక్సెస్‌తో కియారా కెరీర్ పరుగులు పెడుతోంది. ప్రస్తుతం ఆమె చేతిలో మూడు భారీ సినిమాలు ఉన్నాయి. ఒకటి కార్తిక్ ఆర్యన్‌కు జోడీగా ‘భూల్ భులయ్యా’ సినిమాలో నటిస్తోంది. మరోపక్క అక్షయ్ కుమార్‌కు జోడీగా ‘లక్ష్మీబాంబ్’ సినిమా చేస్తోంది. రణ్‌బీర్ కపూర్‌కు జోడీగా ‘షేర్షా’ సినిమా చేస్తోంది. ఇవే కాకుండా ‘గుడ్ న్యూస్’ అనే సినిమాలోనూ నటిస్తోంది. మరో విషయం ఏంటంటే.. ఇప్పుడు కియారా నటిస్తున్న ‘ఇందూ కీ జవానీ’ సినిమా, అక్షయ్ కుమార్‌తో కలిసి నటిస్తున్న ‘లక్ష్మీ బాంబ్’ సినిమా ఒకే రోజున విడుదల కానున్నాయి.
from Telugu Movie News | Movie News in Telugu | Movie Gossips in Telugu https://ift.tt/2JfdRjl
No comments:
Post a Comment