దీపావళికి ముందు రోజు వచ్చే కర్వా చౌత్ పర్వదినాన ప్రతీ భార్య తన భర్త నిండు నూరేళ్లు సంతోషంగా ఉండాలని ఉపవాసం చేస్తుంది. ఈ సంప్రదాయం మన దక్షిణాదిలో ఉండదు కానీ ఉత్తర ప్రదేశాల్లో మాత్రం చాలా ఘనంగా జరుపుకుంటారు. భర్త కోసం రోజంతా ఉపవాసం ఉండి సాయంత్రం దీపం వెలిగించాక జల్లెడతో ముందు చంద్రుడ్ని చూసి ఆ తర్వాత భర్త ముఖాన్ని చూస్తారు. ఈ తంతు పూర్తయ్యాక ఉపవాసాన్ని విడుస్తారు. ఒక వేళ భర్త ఇంట్లో లేకపోతే అతని ఫొటోను చూసి మురిసిపోతుంటుంది ఇల్లాలు. కానీ ఈ కథ మాత్రం కాస్త విభిన్నంగా ఉంటుంది. కర్వా చౌత్ రోజున ఓ అభిమాని బాలీవుడ్ నటుడు కోసం ఉపవాసం చేసింది. ఆ అమ్మాయికి జాన్ అబ్రహం అంటే చిన్నప్పటి నుంచి ఎంతో ఇష్టమట. ఆ అమ్మాయి చదువుకునే బోర్డింగ్ స్కూల్లో రూల్స్ చాలా స్ట్రిక్ట్‌గా ఉంటాయి. దాంతో స్కూల్లో ఎవ్వరికీ తెలీకుండా కర్వా చౌత్ రోజున ఉపవాసం చేసింది. జాన్ అబ్రహం ఎప్పుడూ సంతోషంగా ఉండాలని, అతను చేసే సినిమాలన్నీ హిట్ అవ్వాలని కోరుకుందట. అయితే స్కూల్ హాస్టల్‌లో జల్లెడ లేకపోవడంత బ్యాడ్మింటన్ రాకెట్‌తో చంద్రుడి చూసి ఆ తర్వాత జాన్ అబ్రహం ఫొటో చూసి ఉపవాసాన్ని విడిచిందట. ఈ విషయాన్ని ఈవా దీక్షిత్ అనే మహిళ ట్విటర్ వేదికగా వెల్లడిస్తూ ఇప్పటివరకు తాను విన్న కథల్లో ఇది చాలా క్యూ్ట్ స్టోరీ అని తెలుపుతూ జాన్ అబ్రహంను ట్యాగ్ చేశారు. దీనిపై జాన్ స్పందిస్తూ.. ‘ఈ కథ నాకు కూడా నచ్చింది. కుదిరినప్పుడు ఆ అమ్మాయిని నేను రెస్టారెంట్‌కి తీసుకెళ్లి భోజనం తినిపిస్తాను’ అని తెలిపాడు. ఈ ఏడాది ఎందరో బాలీవుడ్ ప్రముఖులు కర్వా చౌత్ ఫొటోలను సోషల్ మీడియాలో పోస్ట్ చేశారు. ఇక జాన్ సినిమాల విషయానికొస్తే.. ఇప్పటివరకు ఆయన దేశ భక్తి నేపథ్యంలో తెరకెక్కిన సినిమాలతో ప్రేక్షకుల ముందుకు వచ్చాడు. అవన్నీ బాక్సాఫీస్ వద్ద మంచి విజయాలు అందుకున్నాయి. ఇప్పుడు మళ్లీ కామెడీ జోనర్‌ను ఎంచుకున్నాడు. జాన్ ప్రధాన పాత్రలో నటించిన సినిమా ‘పాగల్ పంతి’. నిన్ననే ఈ సినిమా ట్రైలర్ విడుదలైంది. ఇందులో జాన్‌కు జోడీగా ఇలియానా నటించారు. అనీస్ బాజ్మీ దర్శకత్వం వహించారు. నవంబర్ 11న సినిమా ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/2qCnzpI
No comments:
Post a Comment