మెగాస్టార్ చిరంజీవి హీరోగా తెరకెక్కిన భారీ చారిత్రక చిత్రం సైరా నరసింహారెడ్డి. మెగాపవర్ స్టార్ రామ్చరణ్ ప్రతిష్టాత్మకంగా తెరకెక్కించిన ఈ సినిమా గాంధీ జయంతి కానుకగా ప్రేక్షకుల ముందుకు వచ్చింది. స్వాతంత్ర్య సమరయోధుడు ఉయ్యాలవాడ నరసింహారెడ్డి కథతో తెరకెక్కిన ఈ సినిమాకు తెలుగు ప్రేక్షకులు బ్రహ్మరథం పడుతున్నారు. అయితే బాలీవుడ్లోనూ సైరాకు సూపర్ హిట్ టాక్ రావటంపై అభిమానులు ఆనందంగా ఉన్నారు. మెగాస్టార్ బాలీవుడ్ ప్రేక్షకులకు పెద్దగా పరిచయం ఉన్న వ్యక్తేం కాదు. దశాబ్దాల క్రితం ఒకటి రెండు సినిమాలు చేసినా చిరు అక్కడ స్టార్ ఇమేజ్ సంపాదించుకోలేకపోయారు. ఒక్క అమితాబ్ తప్ప బాలీవుడ్ ప్రేక్షకులకు సుపరిచితులైన నటీనటులు కూడా ఈ సినిమాలో లేరు. Also Read: ఉత్తరాది జనాలకు ఏ మాత్రం పరిచయం లేని పోరాటయోధుడి కథ కావటంతో నార్త్ ప్రేక్షకులకు ఈ సినిమా మీద భారీ స్థాయిలో ఆసక్తి ఉండే అవకాశం కూడా లేదు. అయినా ఈ డ్రా బ్యాక్స్ను కవర్ చేసుకుంటే సైరా బాలీవుడ్లోనూ సూపర్ హిట్ టాక్ సొంతం చేసుకుంది. ముఖ్యంగా నరసింహా రెడ్డి పాత్రలో మెగాస్టార్ నటనకు ఉత్తరాది ప్రేక్షకులు ఫిదా అవుతున్నారు. సినిమాలోని ఎమోషనల్ కంటెంట్ అన్ని వర్గాల ప్రేక్షకులను ఆకట్టుకుంటుందన్న టాక్ వినిపిస్తోంది. సినిమా మేకింగ్ క్వాలిటీ, గ్రాండియర్, విజువల్స్, యాక్షన్ సీన్స్ ఇలా అన్ని హాలీవుడ్ స్థాయిలో ఉండటంతో బాలీవుడ్ జనాలు నరసింహారెడ్డికి బ్రహ్మారథం పడుతున్నారు. ఇక సెకండ్ హాఫ్లో వచ్చే ఎమోషనల్ సీన్స్ ఫ్యామిలీ ఆడియన్స్ను ఆకట్టుకుంటాయన్న టాక్ వినిపిస్తోంది. ఇలా బాలీవుడ్లోనూ అన్నివర్గాల నుంచి పాజిటివ్ టాక్ రావటంపై చిత్రవర్గాలు కూడా హర్షం వ్యక్తం చేస్తున్నారు. తొలిరోజే అన్ని ప్రాంతాల్లో సూపర్ హిట్ టాక్ రావటంతో సైరా రికార్డ్లు బద్ధలు కొడుతుందంటున్నారు ఫ్యాన్స్. ముఖ్యంగా బాలీవుడ్లో పాజిటివ్ టాక్ రావటంతో భారీ వసూళ్లు ఖాయం అన్న నమ్మకంతో ఉన్నారు. చరిత్ర గుర్తించని రేనాటి వీరుడు ఉయ్యాలవాడ నరసింహా రెడ్డి కథతో తెరకెక్కిన సైరా నరసింహారెడ్డి సినిమాను దాదాపు 270 కోట్ల బడ్జెట్తో తెరకెక్కించారు. మెగాస్టార్ సరసన నయనతార, తమన్నా హీరోయిన్లుగా నటించిన ఈ సినిమాలో చిరు గురువు పాత్రలో బాలీవుడ్ లెజెండ్ అమితాబ్ బచ్చన్ కనిపించారు. సుధీప్, విజయ్ సేతుపతి, జగపతి బాబు, రవికిషన్ లాంటి స్టార్స్ కీలక పాత్రల్లో నటించటంతో సినిమా మీద భారీ అంచనాలు ఏర్పడ్డాయి. అందుకు తగ్గట్టుగా దాదాపు 8000లకు పైగా స్క్రీన్స్ లో సినిమాను రిలీజ్ చేశారు. తెలుగుతో పాటు హిందీ, తమిళ, మలయాళ, కన్నడ భాషల్లోనూ సైరా భారీగా ప్రేక్షకుల ముందుకు వచ్చింది.
from Telugu Movie News | Movie News in Telugu | Movie Gossips in Telugu https://ift.tt/2nGypd8
No comments:
Post a Comment