ఓటీటీలో 'రామారావు ఆన్ డ్యూటీ'.. రవితేజ టీమ్ ఫైనల్ డిసీజన్‌!

కరోనా ఎఫెక్ట్‌‌తో చాలా సినిమాలు వాయిదా పడ్డాయి. మరోవైపు థియేటర్స్ మూతపడటంతో ఓటీటీ వేదికలు ప్రేక్షకులకు దగ్గరయ్యాయి. క్రమంగా ఓటీటీ ప్లాట్‌ఫామ్స్ డిమాండ్ పెరుగుతూ వస్తోంది. ఇప్పటికే కొన్ని మీడియం రేంజ్ సినిమాలను ఓటీటీ వేదికలపై రిలీజ్ చేసి సక్సెస్ సాధించారు మేకర్స్. ఈ బాటలో హీరోగా తెరకెక్కుతున్న '' వెళ్లబోతోందట. ఈ సినిమా రిలీజ్ విషయంలో కొన్ని అడ్డంకులు వస్తుండటంతో చివరకు రవితేజ టీమ్ ఫైనల్ డిసీజన్‌కి వచ్చారని తెలుస్తోంది. ఇప్పటికే షూటింగ్‌ను పూర్తి చేసుకున్న 'రామారావు ఆన్ డ్యూటీ' మూవీ మార్చి 25న విడుదల కావాల్సి ఉంది. కానీ అదే డేట్ RRR లాక్ చేసుకోవడంతో మేకర్స్ వెనక్కి తగ్గారు. ఆ తర్వాత ఏప్రీల్‌ 15న విడుదల చేయాలని ప్లాన్ చేసుకుంటే.. అప్పుడు కూడా పెద్ద సినిమాలు అడ్డు పడుతున్నాయి. కేజియఫ్ 2తో పాటు విజయ్ బీస్ట్ సినిమాలు ఏప్రీల్‌ 14న విడుదల కాబోతున్నాయి. దీంతో ఇక ఏ మాత్రం ఆలస్యం చేయకుండా ఈ 'రామారావు ఆన్ డ్యూటీ' సినిమాను ఓటీటీలో రిలీజ్ చేయాలని ఫిక్సయ్యారట మేకర్స్. విడుదలకు నోచుకోని పెద్ద సినిమాలు క్రమంగా థియేటర్స్ లోకి వస్తుండటంతో చిన్న, మీడియా బడ్జెట్ సినిమాలు వెనక్కి తగ్గాల్సి వస్తోంది. ఈ నేపథ్యంలో పలు ఓటీటీ సంస్థలు డిమాండ్ ఉన్న సినిమాలకు భారీ ఆఫర్స్ చేస్తున్నాయి. ఇలా 'రామారావు ఆన్ డ్యూటీ' సినిమాకు కూడా సోనీ లైవ్‌ మంచి ఆఫర్ ఇవ్వడంతో ఆ దిశగా ఆలోచనలు చేస్తున్నారట మేకర్స్. జూన్ వరకు సరైన డేట్స్ లేకపోవడం కూడా మరో కారణంగా భావించి ఓటీటీ దిశగా అడుగులేస్తున్నారని తెలుస్తోంది. కొత్త దర్శకుడు శరత్‌ మందవ దర్శకత్వంలో తెరకెక్కుతున్న ఈ సినిమాను ఎల్ఎల్‌పి బ్యానర్‌పై సుధాకర్‌ చేకూరి నిర్మిస్తున్నారు. ఈ సినిమాలో దివ్యాంక కౌశిక్, రజిషా విజయన్ హీరోయిన్లుగా నటిస్తుండగా వేణు తొట్టెంపూడి కీలక పాత్రలో కనిపించనున్నారు.

from Telugu Movie News | Movie News in Telugu | Movie Gossips in Telugu https://ift.tt/8dFuMAo