పవర్‌స్టార్ పవన్ కళ్యాణ్, రానా ద‌గ్గుబాటి ప్ర‌ధాన పాత్ర‌ల్లో న‌టిస్తోన్న చిత్రం ‘భీమ్లా నాయక్’. పవన్ రీ ఎంట్రీ త‌ర్వాత జోరు పెంచిన పవన్ చేస్తున్న సినిమాల్లో భీమ్లా నాయక్ ఒక‌టి. ఇప్ప‌టి వ‌ర‌కు ఈ సినిమా నుంచి ప్ర‌తి ఎలిమెంట్ ఫ్యాన్స్‌కు కిర్రాక్ ఎక్కించి సోష‌ల్ మీడియాలో హ‌ల్‌చ‌ల్ చేసిన‌వే. ఈ సినిమా నుంచి పవన్ కళ్యాణ్ టీజ‌ర్‌, రానా టీజ‌ర్‌, రెండు పాట‌లు విడుదలై సెన్సేష‌న్ క్రియేట్ చేయ‌డ‌మే కాకుండా సినిమాపై అంచ‌నాల‌ను మ‌రింత పెంచాయి. ఈ ఊపుకు మ‌రింత కిక్‌ను అందిస్తూ దీపావ‌ళి పండుగ సంద‌ర్భంగా భీమ్లా నాయక్ నుంచి మ‌రో క్రేజీ అప్‌డేట్‌ను అందించారు మేక‌ర్స్‌. హీరో పవన్ కళ్యాణ్ హీరోయిజాన్ని తెలియ‌జేస్తూ విడుద‌లైన టీజ‌ర్‌లో లాలా భీమ్లా.. అనే బ్యాగ్రౌండ్ సాంగ్ వినే ఉంటారు. ఆ సాంగ్‌కు సంబంధించిన వీడియో ప్రోమోను దీపావ‌ళి సంద‌ర్భంగా విడుదల చేస్తున్న‌ట్లు పోస్టర్ ద్వారా ద‌ర్శ‌క నిర్మాత‌లు ప్ర‌క‌టించారు. వీడియో ప్రోమో కాబ‌ట్టి ఈ సాంగ్ సోష‌ల్ మీడియాను షేక్ చేసేయ‌డం ప‌క్కా అని సినీ వ‌ర్గాలు అంటున్నాయి. నిజంగానే ఈ దీపావ‌ళికి పవన్ కళ్యాణ్ త‌న ఫ్యాన్స్‌కు అదిరిపోయే గిఫ్ట్ ఇచ్చార‌ని మ‌రికొంద‌రు అంటున్నారు. భీమ్లానాయక్ చిత్రం సంక్రాంతి సంద‌ర్భంగా జనవరి 12న ప్రేక్ష‌కుల ముందుకు రానుంది. మ‌ల‌యాళ చిత్రం ‘అయ్య‌ప్ప‌నుమ్ కోశియ‌మ్‌’కు తెలుగు రీమేక్‌గా రూపొందుతోన్న ఈ చిత్రానికి సాగ‌ర్ కె.చంద్ర ద‌ర్శ‌క‌త్వం వ‌హిస్తున్గానారు. కాగా.. తెలుగు నెటివిటీ తగ్గట్టు మార్పులు చేర్పులు చేసి ప్రముఖ ద‌ర్శ‌కుడు, రైట‌ర్ త్రివిక్ర‌మ్ శ్రీనివాస్ ఈ చిత్రానికి స్క్రీన్‌ప్లే, మాట‌ల‌ను అందిస్తున్నారు. ప‌వ‌న్‌కు జోడీగా నిత్యామీన‌న్ న‌టిస్తుండ‌గా, రానా జోడీగా సంయుక్తా మీన‌న్ న‌టిస్తున్నారు. ఒకానొక దశలో ఆర్ఆర్ఆర్ వల్ల ఈ సినిమా విడుదల వాయిదా పడుతుందని కూడా న్యూస్ వచ్చింది. అయితే ఈ వార్తలను నిర్మాత సూర్యదేవర నాగవంశీ ఖండించారు. ప్రకటించినట్లే జనవరి 12న సంక్రాంతికి వస్తున్నామన్నారు. ‘వ‌కీల్ సాబ్‌’ సినిమాతో రీ ఎంట్రీ ఇచ్చిన సంగ‌తి తెలిసిందే. ఇప్పుడు భీమ్లానాయక్, హ‌రిహ‌ర వీర‌మ‌ల్లు సినిమాలను పూర్తి చేసే పనిలో ఉన్నారు. ఈ సినిమాలు పూర్త‌యిన త‌ర్వాత హ‌రీశ్ శంక‌ర్ ద‌ర్శ‌క‌త్వంలో భ‌వ‌దీయుడు భ‌గ‌త్ సింగ్ సినిమాతో పాటు సురేంద‌ర్ రెడ్డి ద‌ర్శ‌క‌త్వంలో ఓ సినిమా చేయాల్సింది ఉంది. మ‌రికొంద‌రు ద‌ర్శ‌కులు పవన్ క‌ళ్యాణ్‌తో సినిమా చేయ‌డానికి సిద్ధంగా ఉన్నారు.
from Telugu Movie News | Movie News in Telugu | Movie Gossips in Telugu https://ift.tt/3CGqsWF
No comments:
Post a Comment