మోడల్‌గా కెరీర్ ప్రారంభించి హాలీవుడ్ ఇండస్ట్రీ దాకా వెళ్లి దాదాపు మూడు దశాబ్దాలుగా హవా నడిపిస్తోంది . అందరు హీరోయిన్లతో పోల్చితే ఆమె లైఫ్, కెరీర్ అన్నీ ప్రత్యేకమే. 2000 సంవత్సరంలో మిస్ వరల్డ్ కిరీటం దక్కించుకోవడం, సినిమాల్లో సత్తా చాటుతూనే తనకన్నా పదేళ్లు చిన్నవాడైన నిక్ జోనాస్‌ని ప్రేమించి పెళ్లాడటం ఇలా ఎన్నో విషయాల్లో స్పెషల్ పర్సన్‌గా నిలిచిందామె. ఈ నేపథ్యంలో తాజాగా జరిగిన ఓ ఇంటర్వ్యూలో తన జీవితంలో ఎదుర్కొన్న భయంకర పరిస్థితుల గురించి నోరువిప్పింది. ఇటీవలే కెరీర్‌లోని జ్ఞాప‌కాల‌తో తన ఆత్మకథను 'అన్‌ఫినీష్‌డ్' అనే పుస్తకం రూపంలో అందరి ముందుంచింది ప్రియాంక. అయితే ఇందులో ఆమె ప్రస్తావించిన విషయాలు సినీ ఇండస్ట్రీలో ప్రకంపనలు రేపాయి. కెరీర్ ఆరంభంలో తనకు దర్శకనిర్మాతల నుంచి ఎన్నో చేదు అనుభవాలు ఎదురయ్యాయని ఈ పుస్తకంలో పేర్కొన్న ప్రియాంక.. కొందరు దర్శక నిర్మాతలు తనతో అసభ్యంగా ప్రవర్తించారని, బట్టలు విప్పి చూపించమన్నారని, సర్జరీలు చేయించుకోమన్నారని సంచలన ఆరోపణలు చేసింది. దీంతో ఈ ఇష్యూ సినీ వర్గాల్లో హాట్ టాపిక్ అయింది. ప్రియాంక ఆరోపణలు చేసిన ఆ దర్శకనిర్మాతలు వీరే అంటూ జనాల్లో చర్చలు మొదలయ్యాయి. అలా అలా పలువురు దర్శకనిర్మాతల పేర్లు ప్రచారంలోకి రావడంతో ఇదే విషయమై తాజాగా జరిగిన ఓ ఇంటర్వ్యూలో ప్రియాంకకు కొన్ని ప్రశ్నలు ఎదురయ్యాయి. ఈ ఆత్మకథలో రాసిన అంశాలను అప్పట్లోనే బయటపెట్టకుండా ఇప్పుడెందుకు రివీల్ చేశారు? అనే ప్రశ్న వేశారు. దీనిపై స్పందించిన ప్రియాంక.. ఆ రోజుల్లో ఎన్ని ఇబ్బందులు ఎదురైనా పెదవి విప్పకపోవడానికి కారణం అభద్రతాభావం, భయం వెంటాడమేనని పేర్కొంది. మరోవైపు ప్రియాంక రిలీజ్ చేసిన ఈ 'అన్‌ఫినీష్‌డ్' పుస్తకం అనతికాలంలోనే ప్రపంచవ్యాప్తంగా భారీ ఆదరణ పొందుతోంది. మార్కెట్‌లో విడుదలైన వారంలోపే ఈ పుస్తకం రికార్డు సృష్టించింది. న్యూయార్క్ టైమ్స్ బెస్ట్ సెల్ల‌ర్స్ లిస్ట్‌లో ఈ బుక్ చోటు దక్కించుకోవడం విశేషం.
from Telugu Movie News | Movie News in Telugu | Movie Gossips in Telugu https://ift.tt/3drszDX
No comments:
Post a Comment