న్యూడ్‌గా నటించిన అల్లరి నరేష్‌.. షాక్‌ ఇస్తోన్న `నాంది` ఫస్ట్ లుక్‌

ఒకప్పుడు మినిమమ్‌ గ్యారెంటీ సినిమాలతో ఫుల్‌ ఫాంలో కనిపించిన యంగ్ హీరో తరువాత నెమ్మదిగా ఆ ఫాం కోల్పోయాడు. వరుసగా కామెడీ చిత్రాలతో విజయాలు సాధించిన అల్లరోడు, తరువాత మూస కామెడీ సినిమాలతో ఆడియన్స్‌కు బోర్‌ కొట్టించాడు. దీంతో వరుస పరాజయాలు పలకరించాయి. ఇటీవల కాస్త డిఫరెంట్ సినిమాలు ట్రై చేసినా పెద్దగా వర్క్‌ అవుట్ కాకపోవటంతో ఇప్పుడు ఓ ప్రయోగాత్మక సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. నరేష్‌ 57వ సినిమాగా తెరకెక్కుతున్న సోమవారం (20-01-2020) హైదరాబాద్‌లో ప్రారంభం కానుంది. ఇప్పటికే ఈ సినిమాకు సంబంధించి ముఖం నిండా గాయాలతో ఉన్న నరేష్‌ లుక్‌ను రిలీజ్ చేశారు చిత్రయూనిట్. ఆ లుక్‌కు సూపర్బ్ రెస్పాన్స్‌ వచ్చింది. తాజాగా ఈ రోజు ప్రారంభోత్సవం సందర్భంగా మరో ఇంట్రస్టింగ్ ఫస్ట్‌ లుక్‌ను రివీల్ చేశారు. Also Read: ఈ ఫస్ట్‌లుక్‌ పోస్టర్‌లో నరేష్‌ ఒంటి మీద దుస్తులు లేకుండా గాయాలతో తల కిందులుగా వేళాడుతూ ఉన్నాడు. ఎక్కువగా కామెడీ చిత్రాలు మాత్రమే చేసిన నరేష్‌ ఇంక విభిన్న పాత్రలో కనిపించటంతో అభిమానులు షాక్‌ అవుతున్నారు. విజయ్‌ కనకమేడల దర్శకుడిగా పరిచయం అవుతున్న ఈ సినిమాను మరో దర్శకుడు సతీష్‌ వేగేశ్న ఎస్వీ2 ఎంటర్‌టైన్మెంట్‌ బ్యానర్‌పై నిర్మిస్తున్నాడు. వరలక్ష్మీ శరత్‌ కుమార్‌, హరీష్‌ ఉత్తమన్‌, ప్రవీన్‌, ప్రియదర్శి, దేవీ ప్రసాద్‌, వినయ్‌ వర్మ కీలక పాత్రల్లో నటిస్తున్న ఈ సినిమాకు శ్రీచరణ్‌ పాకల సంగీతమందిస్తున్నాడు. అబ్బూరి రవి మాటలు అందిస్తుండగా సిద్‌ సినిమాటోగ్రఫర్‌గా పనిచేస్తున్నాడు.

from Telugu Movie News | Movie News in Telugu | Movie Gossips in Telugu https://ift.tt/3aqqHY9