శతాధిక చిత్రాల దర్శకుడు 'పెళ్లి సందడి' రూపంలో మరోసారి భారీ హిట్ రాబట్టాలని ప్లాన్ చేశారు. గత 25 ఏళ్ల క్రింద ఇదే పేరుతో సినిమా తీసి రికార్డులు తిరగరాసిన ఆయన.. ఇప్పుడు మోడ్రెన్ పెళ్లి సందడిని ప్రేక్షకుల ముందుంచాలని చూస్తున్నారు. దాదాపు మూడేళ్ళ గ్యాప్ తీసుకొని ఈ సినిమా ప్రకటించిన దర్శకేంద్రుడు.. నటీనటుల ఎంపికపై ప్రత్యేక దృష్టి సారించారట. ఈ మేరకు ఇప్పటికే హీరోని కూడా కన్ఫామ్ చేశారనే టాక్ బయటకొచ్చింది. ఆ రోజుల్లో వచ్చిన రాఘవేంద్ర రావు సృష్టించిన 'పెళ్లి సందడి' హీరో శ్రీకాంత్ కెరీర్‌లో ఓ మైలురాయిగా నిలిచి ఆయనకు స్టార్ స్టేటస్ తెచ్చిపెట్టింది. బాక్సాఫీసు వద్ద కలెక్షన్ల వర్షం కురిపిస్తూ ప్రేక్షకులను ఫుల్లుగా ఎంటర్‌టైన్ చేసింది. అయితే ఇన్నేళ్ల తర్వాత తిరిగి అదే టైటిల్‌తో సినిమా చేస్తున్నట్లు ప్రకటించిన దర్శకేంద్రుడు ఈ సినిమా ద్వారా శ్రీకాంత్ తనయుడు రోషన్‌కి లైఫ్ ఇవ్వాలని చూస్తున్నారట. ఈ మేరకు కొత్త పెళ్లి సందడిలో రోషన్‌ని హీరోగా తీసుకున్నారని, ఇప్పటికే సంప్రదింపుల కార్యక్రమాలు కూడా ఫినిష్ అయ్యాయని సమాచారం. Also Read: శ్రీకాంత్ తనయుడు రోషన్ ఆమధ్య నాగార్జున నిర్మించిన 'నిర్మలా కాన్వెంట్' అనే మూవీతో సినీగడప తొక్కాడు. ఆ సినిమా అనుకున్నమేర సక్సెస్ కాకపోవడంతో ఆ తర్వాత అవకాశాలు సన్నగిల్లాయి. ఈ క్రమంలోనే తండ్రి వలె ఇండస్ట్రీలో రోషన్‌ని కూడా నిలబెట్టాలనే ఆలోచన చేసి ఈ ప్రయోగాత్మక పెళ్లి సందడిలో అతన్నే ఎంచుకున్నారట దర్శకేంద్రుడు. ''పెళ్లి సందడి మళ్ళీ మొదలవ్వబోతుంది.. తారాగణం త్వరలో..'' అంటూ తన కొత్త సినిమాను అనౌన్స్ చేసిన రాఘవేంద్ర రావు.. కె. కృష్ణమోహన్ రావు సమర్పణలో రూపొందనున్న ఈ సినిమాకు కీరవాణి సంగీతం, చంద్రబోస్ సాహిత్యం అందించనున్నారని పేర్కొంటూ కొత్త తరం ఆడియన్స్‌ చూపును తనవైపు తిప్పుకున్నారు.
from Telugu Movie News | Movie News in Telugu | Movie Gossips in Telugu https://ift.tt/3dgFLtm
No comments:
Post a Comment