‘ఛలో’ సినిమాతో తెలుగు ప్రేక్షకులకు పరిచయమైన కన్నడ బ్యూటీ .. రెండో సినిమా ‘గీత గోవిందం’తో వారికి బాగా దగ్గరైపోయారు. ఆ వెంటనే ‘దేవదాస్’లో నాని సరసన నటించి మెప్పించారు. ఇప్పుడు ‘డియర్ కామ్రేడ్’తో కలిసి వస్తున్నారు. విజయ్ దేవరకొండతో రెండోసారి కలిసి నటించిన రష్మిక.. బుధవారం రాత్రి జరిగిన ‘డియర్ కామ్రేడ్’ ప్రీ రిలీజ్ వేడుకలో చాలా ఆసక్తికరంగా మాట్లాడారు. ‘ఫైట్ ఫర్ వాట్ యు లవ్’ అనేది ఈ సినిమా ట్యాగ్‌లైన్. ఈ పాయింట్‌ను ఆధారంగా చేసుకుని తన జీవితంలో చేసిన ఫైట్ గురించి వివరించారు. ‘అమ్మా, నాన్న, ఫ్యామిలీ, ఫ్రెండ్స్.. వీళ్లందరితో ఫైట్ చేసి సినీ పరిశ్రమకు వచ్చాను. ఎందుకంటే ప్రతి ఒక్కరూ ఫిల్మ్ ఇండస్ట్రీకి వెళ్లకు, అది చాలా చెడ్డది, అక్కడ అమ్మాయిలకు భద్రత ఉండదు అని అన్నారు. కానీ, వచ్చాను. సినిమాల్లో నాకు బ్యాక్‌గ్రౌండ్ లేదు. అయినా నిలబడ్డా’ అని తన ఫైట్ గురించి వెల్లడించారు. ఇక సినిమా గురించి మాట్లాడుతూ.. ‘భరత్ సార్ స్క్రిప్ట్ పంపినప్పుడు నాకు అది పిచ్చిగా నచ్చింది. కచ్చితంగా ఈ సినిమా చేయాలని ఫిక్స్ అయిపోయా. కానీ, ఈ సినిమాలో చేయడానికి నేను ఫైట్ చేయాల్సి వచ్చింది. ఇంట్లో చాలా ఫైట్ చేశా. విజయ్‌తో ఇంకో సినిమా ఎందుకు, చేయొద్దు అని ఇంట్లో అన్నారు. ఇక్కడ ఎవరితో చేస్తున్నానని కాదు విషయం.. ఈ స్క్రిప్టు చేయాలి అంతే అని చెప్పా’ అని తన ఫ్యామిలీతో చేసిన ఫైట్ గురించి రష్మిక వివరించారు. ‘డియర్ కామ్రేడ్’ కోసం తాను క్రికెట్ ప్రాక్టీస్ చేశానని ఇప్పటికే రష్మిక చెప్పారు. అయితే, దాని కోసం తాను ఎంత ఫైట్ చేశానో ప్రీ రిలీజ్ వేడుకలో రష్మిక చెప్పుకొచ్చారు. ‘సినిమా ప్రారంభానికి ముందు నాలుగు నెలలు నేను క్రికెట్ ప్రాక్టీస్ చేశాను. నా భుజానికి, కాలి చీలమండకు గాయాలయ్యాయి. ఆ సమయంలో నేను నా బాడీతో ఫైట్ చేశాను. నేను కచ్చితంగా చేయాలని కష్టపడ్డాను. నా కష్టాన్ని ఈరోజు మీరు ట్రైలర్‌లో చూస్తున్నారు. క్రికెట్ కోసం నేను చేసిన హార్డ్ వర్క్ అది’ అని రష్మిక చెప్పారు. కష్టాలకు ఎవ్వరూ భయపడొద్దని, మీకు నచ్చిన పని చేయడానికి ఫైట్ చేయండని రష్మిక అభిమానులకు సూచించారు.
from Telugu Movie News | Movie News in Telugu | Movie Gossips in Telugu https://ift.tt/2Z6DzMW
No comments:
Post a Comment