నా భార్య వెళ్లిపోయింది, కెరీర్ దెబ్బతింది: జ్వాలా గుత్తా ప్రియుడు

తమిళ చిత్ర పరిశ్రమలో మంచి గుర్తింపు తెచ్చుకున్న నటుడు . డిస్ట్రిబ్యూటర్లు ఆయన్ను మినిమం గ్యారెంటీ హీరో అని పిలుస్తుంటారు. ఇటీవల ఓ సినిమా సెట్‌లో విష్ణుకు తీవ్ర గాయాలు అయ్యాయి. ఇప్పుడిప్పుడే కోలుకుంటున్నారు. ఈ నేపథ్యంలో జీవితంలో తాను ఎదుర్కొన్న ఒడుదుడుకుల గురించి సోషల్ మీడియాలో వెల్లడిస్తూ భావోద్వేగానికి లోనయ్యారు. ‘‘డియర్ ఫ్రెండ్స్.. ఈరోజు నా గురించి మీతో ఓ విషయం పంచుకోవాలని అనుకుంటున్నాను. దేవుడి దయ వల్ల జీవితంలో నాకు అన్నీ ఉన్నాయి. అయితే అందరిలాగే ఒడుదుడుకులను కూడా ఎదుర్కున్నాను. కానీ గత రెండున్నరేళ్లు నా జీవితంలో నరకం అనుభవించాను. చీకట్లో బతికాను. అందుకే నా జీవితం గురించి కొన్ని విషయాలను మీతో పంచుకోవాలని అనుకుంటున్నాను. ఒకానొక సందర్భం వరకు నా సినిమా కెరీర్ బాగానే సాగుతోంది అనిపించింది. కానీ నా వ్యక్తిగత జీవితం మాత్రం నాశనం అయిపోయింది. పదకొండేళ్లు కలిసి ఉండి నా భార్యతో 2017లో విడిపోయాను. అప్పటికి నా కుమారుడికి నెలలు కూడా నిండలేదు’’ READ ALSO: ‘‘నా భార్యతో పాటు కొడుకుకి కూడా దూరమవ్వాల్సి వచ్చింది. దాంతో కుంగిపోయాను. నా జీవితం ఇలా అయిపోతుందని నేను అస్సలు ఊహించలేదు. దాంతో తాగుడికి అలవాటుపడ్డాను. రోజూ రాత్రిళ్లు పీకలదాకా తాగి ఏడ్చేవాడిని. దాంతో ఒత్తిడి, నిద్రలేమితనంతో నా ఆరోగ్యం దెబ్బతింది. మైనర్ సర్జరీ కూడా అయ్యింది. నా జీవితంలో వ్యక్తిగత సమస్యలతో సతమతమవుతుంటే పని ఒత్తిడి కూడా పెరిగిపోయింది. నా సినిమా సరైన తేదీన విడుదల కాకపోవడంతో నా నిర్మాణ సంస్థకు నష్టాలు వచ్చాయి. దాంతో ఆర్థిక సమస్యలు ఎదురయ్యాయి. అలాంటి సమయంలో నా నిర్మాణ సంస్థ నుంచే ఓ సినిమా తీసి 21 రోజుల్లో షూటింగ్ పూర్తి చేసి విడుదల చేసేయాలని అనుకున్నాను. అదే సమయంలో షూటింగ్‌లో నాకు దెబ్బతగిలింది. దాంతో రెండున్నర నెలల పాటు మంచానపడ్డాను’’ ‘‘పదకొండు కిలోలు పెరిగాను. ‘రాక్షసన్’ లాంటి బ్లాక్ బస్టర్ సినిమా తీసినప్పటికీ ఎనిమిది భారీ ప్రాజెక్ట్స్‌ను చేజార్చుకున్నాను. నా జీవితంలో చోటు చేసుకున్న సంఘటనలకు నేనే బాధ్యుడ్ని అనుకున్నాను. విడాకులు, కుమారుడి నుంచి విడిపోవడం, అనారోగ్యం, ఆర్థిక ఇబ్బందులు, బరువు పెరగడం, మద్యానికి అలవాటు పడటం, అతిగా తినడం, నిద్రలేమితనం.. ఇవన్నీ నా జీవితాన్ని తలకిందులు చేసేసాయి. నిస్సహాయ స్థితికి చేరుకున్నాను. నా ప్రపంచంలో ఎలా మునిగిపోయానంటే నా తండ్రి రిటైర్ అయ్యారన్న విషయాన్ని కూడా మర్చిపోయాను. నా కష్టాలు నా కుటుంబాన్ని ఎలా బాధపెట్టాయో కనిపెట్టలేకపోయాను. ముఖ్యంగా మా నాన్న, నా పరిస్థితి చూసి ఆయన తట్టుకోలేకపోయారు. దాంతో నా జీవితాన్ని కంట్రోల్‌లో పెట్టుకోవాలని నిర్ణయించుకున్నాను’’ అని తెలిపారు. READ ALSO: ఇదిలా ఉండగా ప్రముఖ బ్యాడ్మింటన్ క్రీడాకారిణి జ్వాలా గుత్తాతో విష్ణు కొంతకాలంగా డేటింగ్‌లో ఉన్నారు. న్యూఇయర్ రోజున వీరిద్దరూ ముద్దులుపెట్టుకుంటూ దిగిన ఫొటోలను సోషల్ మీడియాలో పోస్ట్ చేసి తామిద్దరం రిలేషన్‌లో ఉన్నామని ప్రకటించేశారు.

from Telugu Movie News | Movie News in Telugu | Movie Gossips in Telugu https://ift.tt/3aggMnS