‘మన్మథుడు 2’ ట్విట్టర్ రివ్యూ: మరీ అలా ఉన్నాడా? ఇది టు మచ్ ‘బాస్’

‘ఈ వయసులో మీకు పెళ్లేంటి సార్. ఎండిపోయిన చెట్టుకు నీళ్లు పోస్తే మళ్లీ పూలు పూస్తాయా?’.. రియల్ లైఫ్‌లో ఆరు పదుల వయసు అంటే ఆ మాత్రం డౌట్ ఉంటుంది మరి. అయితే ఖచ్చితంగా పూలు పూయిస్తా.. కాయలు కాయిస్తా అంటూ మోడల్స్‌ని కిస్‌లు కౌగిలింతలతో ఉక్కిరిబిక్కిరి చేస్తూ ‘మన్మథుడు 2’ చిత్రంతో నేడు థియేటర్స్‌లోకి ఎంటర్ అయ్యాడు టాలీవుడ్ మన్మథుడు . కింగ్ నాగార్జున, రకుల్ ప్రీత్ సింగ్ హీరో హీరోయిన్లుగా నటించిన ‘మన్మథుడు 2’ చిత్రం భారీ అంచనాల నడుమ నేడు (ఆగస్టు 9) విడుదలైంది. సుమారు 17 ఏళ్ల క్రితం వచ్చిన సూపర్ హిట్ మూవీ ‘మన్మథుడు’కి సీక్వెల్‌గా ‘మన్మథుడు 2’ చిత్రం వచ్చింది. ఈ చిత్రానికి రాహుల్ రవీంద్రన్ దర్శకత్వం వహించారు. నటుడుగా తనకుంటూ ప్రత్యేక గుర్తంపు తెచ్చుకుని.. చి. ల. సౌ చిత్రంతో దర్శకుడిగా మారి.. డైరెక్ట్ చేసిన తొలి చిత్రంతోనే హిట్ అందుకుని సెన్సిబుల్ దర్శకుడు అనిపించుకున్న రాహుల్ రవీంద్రన్.. ‘మన్మథుడు 2’ ద్వారా ప్రేక్షకులకు ఫన్ రైడ్ అందించారు. మ‌నం ఎంట‌ర్‌ప్రైజెస్‌, ఆనంది ఆర్ట్స్‌, వ‌యకామ్ 18 స్టూడియోస్ ప‌తాకాలపై నాగార్జున అక్కినేని, పి.కిర‌ణ్(జెమిని కిర‌ణ్‌) ఈ చిత్రాన్ని నిర్మించారు. ఈ చిత్రంలో కీర్తి సురేష్, సమంత అక్కినేని, అక్షర గౌడ ప్రత్యేక పాత్రల్లో మెరవగా.. లక్ష్మి, వెన్నెల కిషోర్, రావు రమేష్, ఝాన్సీ, దేవదర్శిని ప్రధాన పాత్రలు పోషించారు. ఎం.సుకుమార్ సినిమాటోగ్రఫీ అందించిన ఈ చిత్రానికి ఛోటా కె.ప్రసాద్‌, బి.నాగేశ్వర రెడ్డి ఎడిటర్లుగా పనిచేశారు. కిట్టు విస్సాప్రగ‌డ‌, రాహుల్ ర‌వీంద్రన్‌‌లు పేలిపోయే పంచ్ డైలాగులు రాశారు. ‘RX 100’ ఫేమ్ చైతన్ భరద్వాజ్ ఈ చిత్రానికి బ్యూటిఫుల్ మ్యూజిక్ అందించారు. టీజర్, ట్రైలర్, సాంగ్స్‌, ప్రమోషన్స్‌తో ‘మన్మథుడు 2’ చిత్రానికి పాజిటివ్ బజ్ ఏర్పడగా.. తెలుగుతో పాటు ప్రపంచ వ్యాప్తంగా నేడు భారీగా విడుదలైంది ఈ చిత్రం. యూఎస్‌ఏలో 250 పైగా లొకేషన్లలో ఇప్పటికే ఈ చిత్రం ప్రదర్శితం కావడంతో ట్విట్టర్ ద్వారా తమ అభిప్రాయాలను వ్యక్తపరుస్తున్నారు నెటిజన్లు. రాహుల్ బ్రో.. బ్లాక్ బస్టర్ హిట్ కొట్టామ్.. నాగార్జునను 25 ఏళ్ల యువకుడిగా చూపించావ్.. కంగ్రాట్స్ అంటూ దర్శకుడు రాహుల్ రవీంద్రన్‌పై పొగడ్తల వర్షం కురిపిస్తున్నారు. నాగార్జున ఫుల్ ఎంటర్‌టైన్ చేశారని.. ప్లే బాయ్‌గా కొత్త అవతారంలో లేటు వయసులో ఘాటు ముద్దులతో రచ్చ చేశారంటున్నారు. ఫస్టాఫ్ పూర్తి వినోదాన్ని పంచిందని ఇంటర్వెల్ బ్యాలెన్డ్‌గా ఉందంటున్నారు. నాగార్జున చాలా అందంగా ఉన్నారు. చెప్పాలంటే అతని పక్కన రకుల్ ప్రీత్ సింగ్ పెద్దగా ఉన్నట్టు కనిపిస్తోంది. ఇది నిజం అంటూ మన్మథుడు గ్లామర్‌కి ఫిదా అవుతున్నారు ఆయన ఫ్యాన్స్. అయితే ఫస్టాఫ్ ఫుల్ ఫన్‌తో ఉందని.. సెకండాఫ్ స్లో అయ్యి భారంగా నడిచిందని సినిమా యావరేజ్ అంటున్నారు. మొత్తానికి ప్రస్తుతం ఉన్న ట్రెండ్స్ ప్రకారం ‘మన్మథుడు 2’ చిత్రానికి పాజిటివ్ టాక్ వస్తోంది. అయితే నాగార్జున 25 ఏళ్ల యువకుడిగా.. రకుల్ ప్రీత్ సింగ్‌ కంటే యంగ్‌గా కనిపిస్తున్నాడు అంటూ ఎత్తేయడం కాస్త టు మచ్ బాస్ అంటూ ఆ ట్వీట్‌పై కామెంట్స్ వస్తున్నాయి.

from Telugu Movie News | Movie News in Telugu | Movie Gossips in Telugu https://ift.tt/2KptCW7