తమిళనాడులో వచ్చే ఏడాది జరగనున్న అసెంబ్లీ ఎన్నికల వేడి అప్పుడే మొదలైంది. తమిళ రాజకీయాల్లో తొలి నుంచీ సినీ ప్రముఖులదే హవా. ఎమ్జీఆర్, కరుణానిధి ఎన్నో ఏళ్లు రాష్ట్ర రాజకీయాలను శాసించగా.. ప్రస్తుతం విజయ్కాంత్, శరత్కుమార్, కమల్హాసన్ రాజకీయాల్లో తమ సత్తా చాటేందుకు ప్రయత్నిస్తున్నారు. తాజాగా సూపర్స్టార్ రజినీకాంత్ ఈ నెల 31న కొత్త పార్టీ ప్రకటించనున్న నేపథ్యంలో తమిళ రాజకీయాలు కొత్త మలుపు తీసుకోనున్నాయి. రజినీకాంత్తో కలిసి పనిచేసేందుకు ఇతర రాజకీయ పార్టీలు ప్రయత్నాలు మొదలుపెట్టాయి. అయితే ఈ ఎన్నికలను మరింత ఆసక్తికరంగా మార్చే ఓ వార్త ఇప్పుడు తమిళనాడులో హల్ చేస్తోంది. నడిగర్ సంఘం ప్రధాన కార్యదర్శిగా, తమిళ చిత్ర నిర్మాతల మండలి అధ్యక్షుడిగా పోటీ చేసి గెలుపొందిన హీరో వచ్చే అసెంబ్లీ ఎన్నికల్లో పోటీ చేయబోతున్నాడట. చెన్నై నగరంలోని ఓ నియోజకవర్గం నుంచి ఎమ్మెల్యేగా పోటీ చేసేందుకు ఆయన సిద్ధమవుతున్నాడట. దీనిపై ఇప్పటికే అభిమాన సంఘాల నేతలతో చర్చలు కూడా జరిపినట్లు సమాచారం. దివంగత ముఖ్యమంత్రి జయలలిత మరణానంతరం జరిగిన ఆర్కే నగర్ ఉప ఎన్నికలో విశాల్ పోటీకి సిద్ధమయ్యాడు. నామినేషన్ దాఖలు చేసిన తర్వాత ప్రతిపాదించిన వారిలో కొంత మంది మద్దతు ఉపసంహరించుకోవడంతో ఎన్నికల కమిషన్ విశాల్ నామినేషన్ను తిరస్కరించింది. దీంతో ఆ ఉపఎన్నికల్లో విశాల్ పోటీ చేయలేకపోయాడు. అందువల్ల వచ్చే ఎన్నికల్లో కచ్చితంగా ఇండిపెండెంట్గా బరిలోకి దిగాలని విశాల్ ప్లాన్ చేస్తున్నాడట. Also Read:
from Telugu Movie News | Movie News in Telugu | Movie Gossips in Telugu https://ift.tt/2K6MV96
No comments:
Post a Comment