సూపర్స్టార్ కెరీర్లో ప్రత్యేకంగా నిలిచిపోయిన సినిమా ‘ఒక్కడు’. మహేశ్ కెరీర్ని నెక్ట్స్ లెవల్కి తీసుకెళ్లిన సినిమా ఇది. గ్యాంగ్ వార్, ఫ్యాక్షనిజం, సెన్సిబుల్ ప్రేమకథ కలబోతగా గుణశేఖర్ తెరకెక్కించిన ఈ చిత్రం అప్పట్లో సంచలన విజయం సాధించింది. మాస్ హీరోగా మహేశ్ క్రేజ్ను అమాంతం పెంచేసింది. ఇదే సినిమాను తమిళంలో విజయ్, త్రిష జంటగా ‘గిల్లి’ పేరుతో రీమేక్ చేస్తే భారీ విజయాన్ని అందుకుంది. కన్నడలో ‘అజయ్’, బెంగాలీలో ‘జోర్’, హిందీలో ‘తేవర్’ పేర్లతో రీమేక్ చేస్తే అక్కడా విజయం సాధించింది. అయితే ‘ఒక్కడు’ సినిమాకు సీక్వెల్ రాబోతోందంటూ ఎప్పటి నుంచో గాసిప్స్ వస్తున్నా నిర్మాత ఎం.ఎస్.రాజు సరైన అప్డేట్స్ ఇవ్వకపోవడం మహేశ్ ఫ్యాన్స్ లైట్ తీసుకుంటూ వచ్చారు. అయితే ఇప్పుడు వారందరికీ అదిరిపోయే వార్త చెప్పబోతున్నాడట ఎం.ఎస్.రాజు. ఆయన దర్శకత్వం వహించిన ‘డర్టీ హరి’ రిలీజ్ తర్వాత ‘ఒక్కడు’ సీక్వెల్పై ఫోకస్ చేయనున్నాడట. గతంలో ఎన్నో సూపర్ హిట్ చిత్రాలు అందించిన సుమంత్ ఆర్ట్స్ బ్యానర్ కొంతకాలంగా సైలెంట్గా ఉంది. ఇప్పుడు ఈ సీక్వెల్లో ఆ బ్యానర్ ఘనంగా రీలాంచ్ చేసేందుకు సన్నాహాలు చేస్తున్నట్లు టాలీవుడ్ టాక్. అయితే ఈ సినిమాకు ఎవరు డైరెక్ట్ చేస్తారన్నది సస్పెన్స్గా మారింది. ‘ఒక్కడు’ డైరెక్టర్ గుణశేఖర్ ప్రస్తుతం ‘శాకుంతలం’, ‘హిరణ్య కశ్యప’ వంటి పాన్ ఇండియా సినిమాలతో బిజీగా ఉన్నాడు. ఇప్పుడున్న పరిస్థితుల్లో అవి పూర్తి చేయాలంటే రెండేళ్లు పడుతుంది. అప్పటివరకు ఎం.ఎస్.రాజు ఆగే పరిస్థితి ఉండదు. ఆయనే స్వయంగా డైరెక్ట్ చేసేందుకు ముందుకొచ్చినా తనకున్న ఇమేజ్ను బట్టి మహేశ్ ఒప్పుకోకపోవచ్చు. మరోవైపు టాలీవుడ్ టాప్ డైరెక్టర్లందరూ ఇప్పుడు ఒకట్రెండు ప్రాజెక్టులతో బిజీగా ఉన్నారు. దీనికి తోడు ఈ సీక్వెల్కు కథ, స్క్రిప్ట్ రెడీ చేసి మహేశ్ను ఒప్పించాల్సి ఉంది. అందువల్ల ఈ సీక్వెల్ అసలు పట్టాలెక్కుంతుందా? లేదా? అన్న సస్పెన్స్గా మారింది. మరోవైపు టాలీవుడ్ సీక్వెల్ సినిమాలకు మంచి ట్రాక్ రికార్డు లేదు. సూపర్హిట్ చిత్రాలకు సీక్వెల్గా వచ్చిన సినిమాలు పరాజయం పాలయ్యాయి. సర్దార్ గబ్బర్ సింగ్, ఆర్య 2.. సినిమాలే అందుకు ఉదాహరణ. ఈ సెంటిమెంట్ కారణంగా మహేశ్ ‘ఒక్కడు’ సీక్వెల్ పట్టాలెక్కుతుందా? లేక గాసిప్గానే మిగిలిపోతుందా? అన్నది చూడాలి.
from Telugu Movie News | Movie News in Telugu | Movie Gossips in Telugu https://ift.tt/2LFQROR
No comments:
Post a Comment