యంగ్ హీరో ఊపు మీదున్నాడు. ప్రస్తుతం పూరీ జగన్నాథ్ డైరెక్షన్లో బాక్సింగ్ నేపథ్యంలో తెరకెక్కుతున్న ‘ఫైటర్’లో ఆయన నటిస్తున్న సంగతి తెలిసిందే. దీంతో పాటు టాప్ డైరెక్టర్ సుకుమార్తో సినిమా కొద్దిరోజుల క్రితమే ప్రకటించాడు. ఈ సినిమా 2022లో సెట్స్పైకి వెళ్లనున్నట్లు సమాచారం. అయితే ఫిల్మ్ ఇండస్ట్రీలో ఏదైనా కాంబినేషన్లో సినిమా ప్రకటిస్తే.. దాని కథ, తారాగణంపైనా గాసిప్స్ మొదలవుతాయి. ఫలానా సినిమాలో ఆ స్టార్ నటిస్తున్నాడని, ఆ సినిమా కథ ఇదేనంటూ సోషల్మీడియాలో హోరెత్తిపోతుంది. ఇలాగే సుకుమార్-విజయ్ దేవరకొండ సినిమాకు సంబంధించి ఓ ఇంట్రస్టింగ్ న్యూస్ ఇప్పుడు వైరల్ అవుతోంది. ఇండియా–పాకిస్తాన్ యుద్ధం నేపథ్యంలో ఈ సినిమా కథ నడుస్తుందని తెలుస్తోంది. ఇందులో విజయ్ దేవరకొండ సైనికుడి పాత్రలో నటించనున్నారని సమాచారం. ఈ వార్త నిజమో.. కాదో తెలియాలంటే యూనిట్ అధికారికంగా ప్రకటించాల్సి ఉంది. అయితే సినిమా సినిమాకి పూర్తి వైవిధ్యం చూపించే విజయ్ని సరికొత్తగా ప్రజెంట్ చేయడానికి సిద్ధమయ్యాడు. సుకుమార్ ప్రస్తుతం అల్లు అర్జున్తో ‘పుష్ప’ సినిమా తెరకెక్కిస్తున్న సంగతి తెలిసిందే.
from Telugu Movie News | Movie News in Telugu | Movie Gossips in Telugu https://ift.tt/3noDhxa
No comments:
Post a Comment