పవర్స్టార్ అభిమానులు ఎప్పుడెప్పుడా అని ఎదురుచూస్తున్న సినిమా ‘వకీల్ సాబ్’. వేణు శ్రీరామ్ దర్శకత్వం వహిస్తున్నారు. బాలీవుడ్లో బ్లాక్ బస్టర్ విజయం అందుకున్న ‘పింక్’ సినిమాకు ఇది రీమేక్గా రాబోతోంది. బోనీ కపూర్, దిల్ రాజు కలిసి సినిమాను నిర్మిస్తున్నారు. ఇటీవల సినిమా ఫస్ట్లుక్ రిలీజ్ అయింది. లుక్ పవన్ రేంజ్కు తగ్గట్టుగా తీర్చిదిద్దారు. నిజానికి ఈ సినిమాలో న్యాయవాది పాత్రలో నటిస్తున్నారు. ముగ్గురు ఆడపిల్లలపై అఘాయిత్యం జరిగితే వారికి న్యాయం చేయడానికి ఆ న్యాయవాది ఏం చేసారు అన్నదే ఈ సినిమా కథ. ఆడపిల్లల నేపథ్యంలో తెరకెక్కిస్తున్న సినిమాలో పవన్ హీరోయిజాన్నే ఎలివేట్ చేయడంపై పలువురు ఫెమినిస్ట్లు అప్సెట్ అయ్యారట. లుక్ రిలీజ్ అయినప్పటినుంచి దీనిని ఇలా డిజైన్ చేసి ఉండకూడదు అంటూ కామెంట్స్ పెడుతున్నారు. పింక్ లాంటి సోషల్ కాజ్ ఉన్న సినిమాను రీమేక్ చేస్తూ దాని ఫ్లేవర్ మొత్తం దెబ్బతినేలా చేస్తున్నారంటూ కొందరు విమర్శిస్తున్నారు. హిందీలో బాలీవుడ్ మెగాస్టార్ అమితాబ్ బచ్చన్ న్యాయవాది పాత్రలో నటించారు. అయితే ఇది హీరో ప్రధానంగా సాగే సినిమా కాదు. అందులో నటించే ముగ్గురు అమ్మాయిలదే కీలక పాత్ర. న్యాయవాదిది సహాయ పాత్ర మాత్రమే. అలాంటప్పుడు హీరో పాత్రలో హీరోయిజం, ఎలివేషన్లు, ఫైట్లు ఏమీ ఉండవు. తమిళంలో ఈ సినిమాను అజిత్తో చేసారు. అజిత్ పాత్రకు హీరోయిజం జోడించారు. అతను హైలైట్ అయ్యేలా చేసారు. తెలుగులోకి వచ్చేసరికి ఇంకా హీరోయిజాన్ని జడించినట్లు తెలుస్తోంది. READ ALSO: పవన్ మీదే మొత్తం ఫోకస్ మొత్తం షిఫ్ట్ అయినట్లు కనిపిస్తోంది. ఫస్ట్లుక్ హీరో ఓరియెంటెడ్గా ఉండటం, లేడీ క్యారెక్టర్లకు చోటే లేకపోవడం, పైగా వకీల్ సాబ్ అంటూ మాస్ టైటిల్ పెట్టడంతో పింక్ను చెడగొట్టేస్తున్నారని, ఈ సినిమా ఉద్దేశమే దెబ్బతినేలా ఉందని పలువురు విమర్శకులు ఆగ్రహం వ్యక్తం చేస్తున్నారు. అయితే ఎవరైతే పవన్ సినిమాపై విమర్శలు చేస్తున్నారో వారంతా ఓ విషయం అర్థం చేసుకోవాలి. హిందీలో అమితాబ్ లాయర్ పాత్రలో నటించినప్పటికీ.. ఆయనకు వయసైపోయింది. అలాంటప్పుడు ఆయన పాత్రకు హీరోయిజాన్ని జోడించలేం. ఇకపోతే అజిత్కి ఇప్పటికీ తమిళంలో మంచి క్రేజ్ ఉంది. అలాంటప్పుడు ఆయన సినిమాల్లో కాస్త హీరోయిజాన్ని జోడించాల్సిందే. ఇక పవన్ కళ్యాణ్ విషయానికొస్తే.. ఆయనకు తెలుగు రాష్ట్రాల్లో ఎంత క్రేజ్ ఉందో ప్రత్యేకంగా చెప్పనక్కర్లేదు. పవర్ స్టార్ సినిమా వస్తోందంటే.. ఫ్యాన్స్కి కన్నూమిన్నూ కానరాదు. అసలు సినిమాలే చేయను అని చెప్పిన వ్యక్తి మళ్లీ సినిమాల్లోకి రావడంతోనే ఫ్యాన్స్ పండగ చేసుకుంటున్నారు. వకీల్ సాబ్ ఆయనకు కమ్ బ్యాక్ సినిమా. అలాంటప్పుడు ఆయన సినిమాకు ఉండాల్సిన అన్ని ఎలిమెంట్స్ కంపల్సరీ. లేకపోతే సినిమా ఆడదు. ఇక ఫస్ట్లుక్ విషయానికొస్తే.. ఫ్యాన్స్ను ఎంగేజ్ చేయడం కోసం రిలీజ్ చేసిన పోస్టర్ అది. సినిమా చూసాకే మనకు కాన్సెప్ట్తో తీసారా, పవన్ హీరోయిజంతోనే తీసారా అన్నది తెలుస్తుంది. మేలో సినిమాను ప్రేక్షకుల ముందుకు తీసుకురానున్నారు. READ ALSO:
from Telugu Movie News | Movie News in Telugu | Movie Gossips in Telugu https://ift.tt/38rOXH0
No comments:
Post a Comment