పోర్న్ వీడియోలు లీక్ చేస్తా... తెలుగు హీరోయిన్‌కు నెటిజన్ బెదిరింపులు

ఈ మధ్య సోషల్ మీడియాలో కొందరు నెటిజన్లు రెచ్చిపోతున్నారు. సెలబ్రిటీలు అని చూడకుండా హీరోయిన్లు, యాంకర్లు, మహిళ రాజకీయ నేతలపై అసభ్యకరమైన పోస్టులు, కామెంట్లు పెడుతున్నారు. తాజాగా తెలుగు, తమిళ సినిమాల్లో నటించిన హీరోయిన్ నమితకు ఇలాంటి కష్టాలే ఎదురయ్యాయి. ఓ నెటిజన్ పబ్లిక్‌గా నమితపై బెదిరింపులకు దిగాడు. ట్విట్టర్‌లో సెంతమిల్ స్మిత్ అనే యువకుడు నమితతో చాటింగ్ చేశాడు. అయితే అతడు హాయ్ ఐటమ్ అని మెసేజ్ పెట్టాడు. దీంతో మండిపడ్డ నెటిజన్‌తో వాదనకు దిగింది. దీంతో అతడు తన ట్విట్టర్ హ్యాక్ అయ్యిందని చెప్పాడు. స్మిత్ చెప్పిన మాటలు నమిత నమ్మలేదు. సీన్ రివర్స్ అవ్వడంతో స్మిత్ నమితను బెదిరించడం మొదలుపెట్టాడు. నమిత పోర్న్ వీడియోలు ఉన్నాయంటూ వాటిని బయట పెడతామని బెదిరింపులకు పాల్పడ్డాడు. దీంతో అతడికి స్ట్రాంగ్‌గా రిప్లే ఇచ్చింది నమిత. ఏం చేసుకుంటావో చేసుకో అంటూ ఘాటుగా సమాధానం ఇచ్చింది. అంతే కాదు... ఆ చాటింగ్ మొత్తాన్ని తన ట్విట్టర్ ఖాతాలో ట్వీట్ చేసింది. ఇలాంటి వాళ్లకు గట్టిగా బుద్ధి చెప్పాలంది నమిత. అందుకే అతడి ఫోటోను కూడా పెడుతున్నానని తెలిపింది. ఆ నెటిజన్ తనతో చేసిన అసభ్యకరమైన చాట్‌ను కూడా నమిత తన ట్విట్టర్ ఖాతాలో పెట్టింది. దక్షిణాది బొద్దుగుమ్మ నమిత. తెలుగు, తమిళ సినిమాల్లో ఒకప్పుడు బిజీగా మారిన నమితకు ఫుల్ ఫ్యాన్స్ ఉన్నారు. తమిళ దర్శక, నిర్మాత వీరేంద్రచౌదరిని నమిత పెళ్లాడారు. అయితే పెళ్లి తర్వాత కాస్త సినిమాలకు బ్రేక్ ఇచ్చిన నమిత మరోసారి రీఎంట్రీకి సిద్ధమవుతోంది. సొంతం సినిమాతో టాలీవుడ్ ప్రేక్షకులకు పరిచయం అయ్యింది. ఆ తర్వాత జెమినీ, బిల్లా, సింహా వంటి తెలుగు సినిమాల్లో నటించింది.

from Telugu Movie News | Movie News in Telugu | Movie Gossips in Telugu https://ift.tt/3dabFHt