ఎన్నో టాలీవుడ్ సినిమాల్లో విలన్ పాత్రల్లో నటించి... తెలుగు ప్రేక్షకులకు దగ్గరయ్యాడు నటుడు రాహుల్ దేవ్. 2001లో విడుదలైన మహేష్ బాబు సినిమాలో షకీల్ అనే క్యారెక్టర్తో తెలుగు సినిమాకు పరిచయం అయ్యారు. ఆ తర్వాత ఆయన అనేక టాలీవుడ్ సినిమాల్లలో ఛాన్స్ కొట్టారు. మాస్, అతడు, సింహాద్రి, మున్నా, పౌర్ణమి, ఒక్కడున్నాడు, ఎవడు, షాడో, లౌక్యం, జై చిరంజీవి వంటి సినిమాల్లో విలన్ రోల్లో రాహుల్ అదురగొట్టారు. దీంతో అతడికి వరుసగా తెలుగు సినిమాల్లో ఆఫర్లు వస్తూనే ఉన్నాయి. అటు బాలీవుడ్లో కూడా రాహుల్ బిజినెస్ బాగానే ఉంది. విలన్ పాత్రలతో పాటు... మరికొన్ని స్పెషల్ క్యారెక్టర్స్లో కూడా నటించి ప్రేక్షకుల మన్ననలు పొందుతున్నాడు. అయితే తాజాగా రాహుల్ దేవ్ రెండోసారి పెళ్లి చేసుకుంటున్నట్లు వార్తలు వినిపిస్తున్నాయి. రాహుల్కి గతంలోనే పెళ్ళి అయ్యింది. అయితే ఆయన భార్య రీనా క్యాన్సర్తో చనిపోయింది. వీరికి సిద్ధార్ధ అనే కొడుకు ఉన్నాడు. అయితే ఓ స్నేహితుడి పెళ్ళిలో రాహుల్కి ముగ్ధా గాడ్సేతో అనే మహిళతో పరిచయం ఏర్పడింది. ఆ పరిచయం కాస్త ప్రేమగా మారింది. దీంతో వీరిద్దరు ఇప్పుడు పెళ్లితో ఒక్కటవ్వాలని భావిస్తున్నట్లు సినీ వర్గాల సమాచారం. అయితే రాహుల్ లవ్ స్టోరీలో ఓ ట్విస్ట్ ఉంది. అతడు ప్రేమించిన అమ్మాయి తనకన్నా 14 ఏళ్లు చిన్నది. దీంతో అందరూ రాహుల్ దేవ్పై విమర్శలు చేశారు. అయితే ఆ విమర్శలకు రాహుల్ గట్టిగానే సమాధానం ఇచ్చాడు. తనకంటే ముగ్ధా గాడ్సే చిన్నదైనా... వారిద్దరి మధ్య ఎలాంటి భేదాభిప్రాయలు లేవన్నాడు. మా ఇద్దరి మధ్య అంత వయస్సు తేడా ఉందని తాము ఏ మాత్రం బాధపడడం లేదని చెప్పుకొచ్చాడు. తమ తల్లిదండ్రులకు కూడా చిన్న వయస్సులోనే పెళ్లి అయ్యిందన్నాడు. వాళ్ల మధ్య కూడా పది సంవత్సరాలకు పైగానే గ్యాప్ ఉందని తెలపాడు. అయినా కూడా తమ తల్లిదండ్రులు చాలా హ్యాపీగా ఉన్నారన్నారు. మనం పెళ్ళి చేసుకునే మనిషి మన మనసుకు నచ్చాలన్నాడు. పెళ్లికి వయసు అనేది ఏమాత్రం అడ్డుకాదన్నాడు రాహుల్ దేవ్. అటు రాహుల్ పెళ్లాడబోయే ముగ్ధా కూడా వయస్సు విషయాన్ని అంతగా పట్టించుకోను అని చెప్పేసింది. దీంతో వీరిద్దరి పెళ్లికి లైన్ క్లియర్ అయినట్లు... అటు బాలీవుడ్, ఇటు టాలీవుడ్లో జోరుగా చర్చ జరుగుతుంది. త్వరలోనే ఈ జంట పెళ్లి పీటలెక్కుతారని సినీ ఇండస్ట్రీలో టాక్ వినిపిస్తోంది.
from Telugu Movie News | Movie News in Telugu | Movie Gossips in Telugu https://ift.tt/2xkH1dN
No comments:
Post a Comment