చెప్పుడు మాటలు విన్నాను.. అందుకే అలా అయ్యింది: తాప్సీ

ఉత్తరాది భామలు హీరోయిన్లుగా గుర్తింపు తెచ్చుకునేందుకు ముందుగా సౌత్‌ సినిమాలనే నమ్ముకుంటారు. దక్షిణాదిలో హీరోయిన్‌గా ఎంట్రీ ఇచ్చి తరువాత బాలీవుడ్‌ బాట పట్టిన ముద్దుగుమ్మలు చాలా మందే ఉన్నారు. ఢిల్లీ బేబి తాప్సీ కూడా ఇదే లిస్ట్‌లోకి వస్తుంది. తెలుగులో రాఘవేంద్ర రావు దర్శకత్వంలో తెరకెక్కిన ఝుమ్మంది నాధం సినిమాతో వెండితెరకు పరిచయం అయ్యింది తాప్సీ. తరువాత తెలుగులో కొన్ని సినిమాలు చేసిన అమ్మడికి ఆశించిన స్థాయి గుర్తింపు రాలేదు. అయితే బాలీవుడ్‌లో మాత్రం తాప్సీ మంచి ఛాన్స్‌లే సాధిస్తోంది. నటనకు ఆస్కారం ఉన్న పాత్రల్లో కనిపిస్తూ స్టార్‌ హీరోయిన్‌ ఇమేజ్‌ను అందుకుంది. అయితే బాలీవుడ్‌లో వరుస అవకాశాలు రావటంతో ఈ భామ పలు సందర్భాల్లో దక్షిణాది సినీరంగంపై నోరు పారేసుకుంది. Also Read: ఇక్కడ హీరోయిన్‌లకు ఇంపార్టెన్స్‌ ఇవ్వరని, కేవలం గ్లామర్‌ డాల్స్‌గానే చూస్తారంటూ కామెంట్‌ చేసింది. అంతేకాదు దర్శకేంద్రుడు తెరకెక్కించిన ఝుమ్మందినాథం పాటపై ఓ మీడియా సమావేశంలో వెటకారంగా మాట్లాడి విమర్శలపాలైంది. తరువాత ఒకటి రెండు సౌత్ సినిమాలు కూడా చేసిన ఈ బ్యూటీ ఇప్పుడు కొత్త పల్లవి అందుకుంది. Also Read: తాను కెరీర్‌ స్టార్టింగ్‌లో పాత్రల ఎంపికలో తప్పు చేశానంటోంది తాప్సీ. ఇండస్ట్రీకి వచ్చిన కొత్తలో తనకు ఆ పరిస్థితులు పెద్దగా తెలియకపోవటంతో వేరే వాళ్లు చెప్పే మాటలు విని సినిమాలు ఒప్పుకున్నాని, అయితే ఆ పాత్రలకు తాను సూట్‌ అవ్వనని చాలా ఆలస్యంగా తెలుసుకున్నాని వెల్లడించింది. అంతేకాదు కెరీర్‌ స్టార్టింగ్‌లో తనపై ఐరన్‌ లెగ్ ముద్రవేశారని ఆవేదన వ్యక్తం చేసింది. ప్రస్తుతం పాత్రల ఎంపికలో తన సొంత తెలివి తేటలను మాత్రమే నమ్ముకుంటున్నానన్న తాప్సీ, ఇక మీదట పొరపాట్లు జరగకుండా జాగ్రత్త పడతానని వెల్లడించింది. ప్రస్తుతం తాప్సీ... భూమీ పడ్నేకర్‌తో కలిసి నటించిన సాండ్‌ కీ ఆంఖ్‌ సినిమా ప్రమోషన్‌ కార్యక్రమాల్లో బిజీగా ఉంది. బయోగ్రాఫికల్‌ సినిమాగా తెరకెక్కుతున్న ఈ సినిమాకు తుషార్‌ హీరానందాని దర్శకుడు. ఈ సినిమాలో తాప్సీ, భూమీలు వృద్దురాలైన షార్ప్‌ షూటర్స్‌గా నటిస్తున్నారు. ఈ సినిమా దీపావళి కానుకగా అక్టోబర్‌ 25న ప్రేక్షకుల ముందుకు రానుంది. రిలయన్స్‌ ఎంటర్‌టైన్మెంట్స్‌తో కలిసి అనురాగ్‌ కశ్యప్‌ నిర్మిస్తున్న ఈ సినిమాలో ప్రకాష్ జా, వినీత్‌ కుమార్‌ సింగ్‌లు కీలక పాత్రల్లో నటిస్తున్నారు. తెలుగు సినిమాకలు పనిచేసిన సుధాకర్‌ రెడ్డి యక్కంటి ఈ సినిమాకు సినిమాటోగ్రఫి అందిస్తుండటం విశేషం. Also Read:

from Telugu Movie News | Movie News in Telugu | Movie Gossips in Telugu https://ift.tt/2BsvsQD