బాలీవుడ్‌లో రాబోతున్న చెత్త సినిమా ఇదేనేమో.. కాన్సెప్ట్ ఏంటో తెలుసా?

పిచ్చి పీక్స్‌లో ఉంటేనే ఇలాంటి సినిమాలు తీయాలన్న ఆలోచనలు వస్తుంటాయి. రియల్ లైఫ్ స్టోరీలతో తెరకెక్కిన సినిమాలను చూశాం. సెలబ్రిటీల జీవితాధారంగా వచ్చిన బయోపిక్స్‌‌ కూడా చూశాం. కానీ కానీ ఓ 60 ఏళ్ల వృద్ధుడికి, 30 ఏళ్ల యువతికి మధ్య ఉన్న సంబంధం ప్రేమ కాదని చెప్పడానికి సినిమా తీస్తున్నారట. ఈ కాన్సెప్ట్‌ను మీరెక్కడైనా విన్నారా? బాలీవుడ్‌లో ఈ దిక్కుమాలిన కాన్సెప్ట్‌తో సినిమా రాబోతోంది. ఇంతకీ ఆ వృద్ధుడు, యువతి ఎవరంటే.. జస్లీన్ మఠారు, . వీరిద్దరూ సూపర్ స్టార్ సల్మాన్ ఖాన్ హోస్ట్ చేసిన సెలబ్రిటీ రియాల్టీ షో బిగ్‌బాస్ సీజన్ 12 షోలో వీరిద్దరూ కంటెస్టెంట్లుగా పాల్గొన్నారు. ఈ షోలో జస్లీన్, అనూప్ రిలేషన్‌షిప్‌లో ఉన్నట్లు పోజుకొట్టారు. జస్లీన్ ఆ వృద్ధుడితో రాసుకు పూసుకుని తిరగడంతో ఇదేం రిలేషన్‌షిప్‌ రా బాబూ అని వీక్షకులు తలబాదుకున్నారు. బిగ్‌బాస్ సీజన్ 12 హిట్ కాలేదు. కానీ జస్లీన్, అనూప్‌ల జోడీకి మాత్రం విపరీతమైన పాపులారిటీ వచ్చింది. బిగ్‌బాస్ షో ముగిసాక తామిద్దరం ప్రేమలో ఉన్నట్లు కేవలం నటించామని, నిజ జీవితంలో మాత్రం తాము గురువు, శిష్యులమని తెలిపారు. దాంతో నెటిజన్లు షాకయ్యారు. అయితే జస్లీన్ ఓ వృద్ధుడితో కలిసి తిరుగుతోందని ఎక్కడ జనాలు తప్పుగా అనుకుంటారోనని వీరి రిలేషన్‌షిప్‌పై సినిమా తీయాలనుకుంటున్నారు జస్లీన్ తండ్రి కేసర్. ఈ విషయాన్ని కేసర్ స్వయంగా ప్రకటించారు. ‘అవును. నేను వారిద్దరిపై సినిమా తీస్తున్నాను. మూడు నెలల్లోనే సినిమా షూటింగ్ పూర్తి చేయాలని అనుకుంటున్నాం. జస్లీన్, అనూప్‌ బిజీగా ఉండటంతో వారి డేట్లు కుదరడంలేదు. ఈ సినిమా ద్వారా వారి మధ్య ఉన్నది అందరూ అనుకునే లవ్ రిలేషన్‌షిప్ కాదని తెలియజేయడానికే ఈ సినిమా తీస్తున్నాను. ఈ సినిమాను ప్రేక్షకులు రెండు గంటలు భరించాలి కాబట్టి ఎంటర్‌టైనర్‌గా తెరకెక్కించాలనుకుంటున్నాను’ అని తెలిపారు. దీనిపై అనూప్ జలోటా మాట్లాడుతూ.. ‘ఈ సినిమా ద్వారా నాకు జస్లీన్‌కు మధ్య ఎలాంటి అక్రమ సంబంధం లేదని తెలుస్తుంది. సినిమాలో ఆమె నా వద్ద సంగీతం నేర్చుకోవడానికి వస్తుంది. అప్పుడు నేను ఆమె వేసుకునే దుస్తులు చూసి ఇలాంటివి వేసుకోకూడదు అని చెప్తాను’ అని వెల్లడించారు. ఇప్పుడు చెప్పండి.. ఎవరైనా ఇలాంటి కాన్సెప్ట్స్‌తో సినిమాలు తీస్తారా? పోనీ తీసినా.. ఏ తలకమాసినోడో తప్ప రెగ్యులర్ ప్రేక్షకులు ఎవ్వరూ ఈ సినిమా చూడటానికి వెళ్లరు. ఇండస్ట్రీలో ఇలాంటి సినిమాలు తీసే వారు కూడా ఉండడం మన ఖర్మ అని పలువురు నెటిజన్లు తిట్టుకుంటున్నారు.

from Telugu Movie News | Movie News in Telugu | Movie Gossips in Telugu https://ift.tt/33uRGxs