తెలంగాణ గోండు వీరుడు కొమురం భీమ్‌గా యంగ్ టైగ‌ర్ ఎన్టీఆర్, మ‌న్యం వీరుడు అల్లూరి సీతారామ‌రాజుగా మెగా ప‌వ‌ర్‌స్టార్ రామ్ చ‌ర‌ణ్ న‌టించిన చిత్రం . రెండు భిన్న ధ్రువాలు వంటి హీరోల‌తో పాన్ ఇండియా డైరెక్ట‌ర్ రాజ‌మౌళి తెర‌కెక్కించిన ఈ ఫిక్ష‌న‌ల్ పీరియాడిక్ మూవీ.. ప్ర‌పంచ వ్యాప్తంగా జ‌న‌వ‌రి 7న విడుద‌ల‌వుతుంది. తెలుగు, హిందీ, త‌మిళ, క‌న్న‌డ, మల‌యాళ బాష‌ల్లో రూపొందిన ఈ చిత్రం మరో ఐదు భాష‌ల్లో అనువాద చిత్రంగా రిలీజ్‌కి సిద్ధ‌మైంది. సెన్సార్ కార్య‌క్ర‌మాలు కూడా ఎప్పుడో పూర్తి చేసేసిన రాజ‌మౌళి అండ్ టీమ్‌ ఇప్పుడు ప్ర‌మోష‌న‌ల్ యాక్టివిటీస్‌తో ఫుల్ బిజీగా ఉన్నారు. ఒకే రేంజ్ ఇమేజ్‌.. బాక్సాఫీస్ స్టామినా ఉన్న ఇద్ద‌రు అగ్ర క‌థానాయ‌కులతో రాజ‌మౌళి సినిమా అన‌గానే ముందు అంద‌రూ ఆశ్చ‌ర్య‌పోయారు. అసలు ఎలా హ్యాండిల్ చేస్తారోన‌ని కూడా అంద‌రూ భావించారు. కానీ రాజ‌మౌళి అసలు ఎలాంటి ఇబ్బందులు లేకుండా సినిమాను విజ‌య‌వంతంగా పూర్తి చేశారు. సినిమా రిలీజ్‌కు సిద్ధ‌మైంది. ఎన్టీఆర్ - రామ్ చ‌ర‌ణ్ మధ్య స్నేహ బంధం చాలా ఎక్కువైంది. పలు సంద‌ర్భాల్లో ఇద్దరూ త‌మ మధ్య ఉన్న అనుబంధాన్ని తెలియ‌జేసిన సంగ‌తి కూడా విదితమే. ఓ సంద‌ర్భంలో అయితే ఎన్టీఆర్ - రామ్ చ‌ర‌ణ్ సెట్స్‌లో ఎలా ఉండేవార‌నే దానిపై బ‌హిరంగంగానే స్పందించారు. ఇద్దరూ ఎప్పుడూ సెట్స్‌లో ఒక‌రినొక‌రు గిల్లుకుంటూ గిచ్చుకుంటూ ఉంటార‌ని.. దాని గురించి నా ద‌గ్గ‌ర‌కు వ‌చ్చి పంచాయ‌తీ పెడుతుంటార‌ని, దాని వ‌ల్ల పాతిక రోజుల తనకు కాల్షీట్స్ వేస్ట్ అయ్యాయ‌ని కూడా రాజ‌మౌళి స‌ర‌దాగా చెప్పుకొచ్చారు. రాజ‌మౌళికి ఎన్టీఆర్ చ‌క్క‌లిగింత పెట్ట‌డం, ఎన్టీఆర్‌ను అలాగే రామ్ చ‌ర‌ణ్ ఆట ప‌ట్టించ‌డం వంటి దృశ్యాలు వీడియోల రూపంలో నెట్టింట తెగ వైరల్ కూడా అయ్యాయి. ఇలా RRR సెట్స్‌లో ఎన్టీఆర్ - రామ్ చ‌ర‌ణ్ అల్ల‌రి చేయ‌డం గురించి చెన్నైలో జ‌రిగిన RRR Pre Release Eventలోనూ చ‌ర్చ‌కు వచ్చింది. దానికి ఎన్టీఆర్ మాట్లాడుతూ చ‌ర‌ణ్ న‌న్ను గిల్లేసి ఏమీ తెలియ‌న‌ట్లు ఉంటాడ‌ని అన్నారు. దానికి చ‌ర‌ణ్ అంతా తార‌క్ చేస్తాడ‌ని అన్నారు. మ‌ధ్య‌లో రాజ‌మౌళి క‌లుగజేసుకుని సెట్స్‌లో రామ్ చ‌ర‌ణ్ చాలా డిసిప్లెయిన్‌గా ఉంటార‌ని, త‌ను గుడ్ బాయ్ అని అన‌డ‌మే కాకుండా.. ఎన్టీఆర్ బ్యాడ్ బాయ్ అని అన్నారు. ఈ స‌ర‌దా సంభాష‌ణ త‌మిళ తంబీల‌ను తెగ ఆక‌ట్టుకుంది.
from Telugu Movie News | Movie News in Telugu | Movie Gossips in Telugu https://ift.tt/3ezqwNe
